Ciuela

Ciuela (Cihuela en castellán) ye un municipio castellán-leyonés, situau en a provincia de Soria. A suya población ye de 58 habitants (2014), en una superficie de 34,29 km² y una densidat de 1,7 hab/km².

Ciuela
Municipio de Castiella y Leyón
Entidat  • Estato  • Comunidat  • Provincia  • Comarca	Municipio Espanya  Castiella y Leyón Soria Campo de Gomara
Superficie	34.15 km²
Población  • Total	52 hab. (2016)
Altaria	856 m.
Distancia  • 65 km	enta Soria
Codigo postal	42126
Ciuela en a provincia de Soria

Cheografía

Ciuela ye situada en a val d'o río Algadir.

Mugas

O suyo termin municipal muga con Deza, con Turrillo, con Villa Luenga, con Embit de Fariza, con Fariza y con Bordalba.

Toponimia

Por un texto de 876 relativo a Alifonso III de Castiella, que prenió os castiellos de Deza, Chella y Atienza, sabemos que os arabes andalusís la clamaban Chella, una forma mozarabe arcaica.

Bi ha un documento de 1136, sobre la división d'as buegas diocesanas entre Tarazona y Sigüenza, quedando Deza y Ciuela en esta zaguera. En este documento s'escribe Zuella:

Fariza Eclasiae Sanete Thome, Sancte Marie, Sancti Petris in aldeis. La Puebla, Mont Real, Pozuel, Bordalaua, Zuella, Baza, Embit, Cabrafuente, Alconchel, Torre Fermosa, Sisamón.

En un documento 1208–1210, Cartulario del Monasterio de Santa María de Huerta, se s'escribe Ciueruela (Civeruela). En un texto de 1444 apareixe como Cuthiella:

En enmienda de Baza e Cuthiella de las cuales vos yo ove fecho merced con sus castillos e fortalezas.

En un texto escrito en aragonés medieval d'as actas d'as "Cortz de Barcelona" de 1436-1437 podemos veyer a pronunciación con protesi velar Cigüela:

Item, la villa de Deza e sus aldeas Ciguela, Ciria e Baronía con sus castiellos e fortalezas, los quales fueron tomados de los regnos de Castiella, e han de seyer restituidos e tornados con sus términos..·

En o sieglo XVI s'escribe Cigüela con regularidat en castellán, y en o sieglo XIX Cihuela.

Vinclos externos

• O toponimo de Ciuela.