Citroën 2CV
Citroën 2CV | |
---|---|
Citroën 2CV | |
Datos chenerals
| |
Interpresa matriz | Citroën |
Fabricant | Citroën |
País | ![]() |
Disenyador | Flaminio Bertoni |
Fabricas | Belchica, Reino Uniu, Espanya, Alemanya, Archentina, Uruguai, Chile, Portugal, Sudafrica y Francia |
Producción | 3 867 932 unidaz |
Periodo | 1948-1990 |
Confeguración
| |
Tipo | Turismo |
Carrocerías | Sedán de 4 puertas |
Confeguración | Motor debantero / tracción debantera |
Grandaria
| |
Largaria | 3780 mm[1] |
Amplaria | 1480 mm |
Altaria | 1600 mm |
Distancia entre eixes | 2270 mm |
Vía debantera | 1600 mm |
Peso | 495 Kg |
Motor
| |
Cilindrada | 375 cc, 425 cc, 602 cc[1] |
Motor | dos cilindros oposaus |
Posición d'o motor | debant |
Potencia | 9 cv, 12 cv, 28 cv y 32,5 cv[1] |
Mecanica
| |
Frenos | tambor en as cuatro ruedas |
Ruedas | 400 mm, dimpués 300 mm diametro de llanta |
Dirección | cremallera |
Transmisión | manual, de 4 marchas[1] |
Suspensión | independient, por brazos de tracción y elemento elastico propia d'o modelo |
Prestacions
| |
Velocidat maxima | 69 km/h, 80 km/h y 110 km/h os zaguers.[1] |
Atros modelos
| |
Relacionato | Citroën Dyane, Citroën Méhari, Citroën AZU |
Parellanos | Renault 4/4, Renault 4, Volkswagen Tipo 1 |
Succesor | Citroën AX |
O Citroën 2CV (en francés deux chevaux, "dos caballos", en referencia a la potencia fiscal en o sistema francés) ye un automóbil economico que produció lo fabricant francés Citroën entre 1948 y 1990.
Cuan se lanzó, o modelo incluiba cualques innovacions destinadas mas que mas a fer-lo un vehíclo barato y resistent, que precisase poco mantenimiento, no guaires piezas de recambio, y que s'adaptase bien a o estau penible d'os camins y carreteras europeas de postguerra. Se conoix tamién por haber-se desarrollau en secreto entre a Segunda Guerra Mundial, amagando-se y mesmo destruindo-se prototipos cuan i heba risgo que as autoridaz d'a Francia ocupada por os Nazis los descubrisen.[2]
En os mas de 40 anyos de producción, o Citroën 2CV siempre se caracterizó por tener un motor de dos cilindros oposaus, disposaus horizontals en a bancada, y refricherau por aire,[1] que dica que se retiró mantenió la posibilidat d'enchegar-lo con manivela por si l'auto se quedaba sin batería. Amás, teneba un sistema de suspensión de barras de tracción dirichidas por cada rueda de debant y no pas d'amortiguadors u de ballestas como a mayoría de suspensions d'alavez, lo cual feba que, como a más yera una vehíclo prou alto (1600 mm), cuan preneba una rivuelta s'inclinase d'una traza caracteristica, pero sin guaire risgo de vulcar gracias a lo centro de gravedat concentrau en o chasis.
Os interiors yeran austeros, con asientos feitos nomás que d'una tela sobre una bastida de tubo d'acero en as primeras versions. Nunca tenioron reposacabezas de serie, y se podeban desmontar a escape pa emplegar-los como siellas difuera de l'auto si caleba. O salpicadero no teneba guantera, sino una concavidat pa deixar cosas, y o cuadro d'instrumentos no contaba si que con un velocimetro de motocicleta y un amperimetro pa mesurar si cargaba u no a batería.
Una atra curiosidat ye que o teito siempre estió de lona y se podeba embolicar ta zaga, de forma que l'auto se tornaba de facto un descapotable. As ventanas d'as puertas zagueras yeran fixas, y as de debant no se podeban mover con os tan comuns puyacristals de manivela, sino que teneban o veire partiu con a metat d'abaixo que se plegaba ta fuera y se podeba fixar en ixa posición. O sistema de ventilación de l'habitaclo yera una tapeta frontal, debaixo d'a luna parabrisas, que s'ubriba dreita ta l'exterior y yera regulable.
Imáchens editar
-
Furgoneta derivada (AZU).
-
Con faros rectangulars.
-
Por dezaga.
-
Citroën 2 CV Sahara.
Se veiga tamién editar
Referencias editar
- ↑ 1,0 1,1 1,2 1,3 1,4 1,5 (es) Citroën 2 CV. Historia y ficha técnica, consultada o 15 de noviembre de 2023.
- ↑ (es) La asombrosa historia del Citroën 2 CV, el mítico Dos Caballos, consultada o 15 de noviembre de 2023.
Enlaces externos editar
- Se veigan as imáchens de Commons sobre Citroën 2CV.