Churamentos d'Estrasburgo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoix con o nombre de Churamentos d'Estrasburgo (Sacramenta Argentariae en latín) a un conchunto de documentos datatos o 14 de febrero de 842 y que consistiban en una alianza militar entre dos nietos de Carlos Magno (Carlos II O Calvo y Loís o Chermanico) ta luitar contra as ambicions imperials de Lotario I, tamién nieto de Carlos Magno, que miraba d'acceder a la corona imperial. Os Churamentos estioron la base d'o Tractau de Verdun, sinyato en 843, que remató con a guerra entre os tres y con una fixación d'as mugas que delimitoron en o esdevenidero Francia a l'ueste, Alemanya a l'este y Italia a o sud.

Encara que os Churamentos no s'han conservato en a suya versión orichinal, sino en una transcripción feita por Nitardo (tamién nieto de Carlos Magno), son de gran importancia lingüistica en estar simultaniament prueba d'una luenga romance en l'actual Francia (o francés) y d'una luenga chermanica. Dica 1999 se consideraba que yeran o documento mas antigo escrito en luengas romances, dica que perdioron ixa consideración en trobar-se os Cartularios de Valpuesta.

Datos: Q157082
Multimedia: Serments de Strasbourg / Q157082