Abrir menú principal
Mapa de Chiemgau
Anvista de Chiemgau (Ruhpolding)

Chiemgau (en austro-baverán Cheamgau) ye o nombre d'un aria cheografica de l'Alta Bavera. Fa referencia a o semontano alpín entre os ríos Inn y Traun, con o lago Chiemsee en o suyo centro. Politicament Chiemgau se divide entre os districtos de Rosenheim y Traunstein. A tuca mas famosa d'a redolada ye Wendelstein, encara que no se troba estrictament en Chiemgau. O pico Kampenwand, situau a o sud d'o Chiemsee ye accesible a traviés d'un teleferico.

ToponimiaEditar

Os toponimos Chiemgau y Chiemsee derivan d'o municipio de Chieming que probablement viene de l'antroponimo Chiemo, en alto alemán antigo (sieglos VI-VIII). O nombre de Chiemgau apareixe por primera vegada como Chimigaoe en bells documentos d'o sieglo VIII, encara que fendo referencia a un aria mas chicota arredol d'o lugar de Chieming.

HistoriaEditar

Dende a Nueva Edat de Piedra dica as Edatz de Bronze y Fierro s'han trobau restas de presencia humana en Chiemgau. Posteriorment ista rechión fue colonizada por os celtas y dimpués por os romans. Os romans s'estableixioron amán d'o río Alz fendo en Seebruck (Bedaium) un cruz de camins en a calzada que iba dende Salzburgo dica Augsburg. Por ixas envueltas Chiemgau se trobaba en a muga exterior d'a provincia romana de Noricum.

Mientres muitas anyadas Chiemgau tenió, debiu a la suya situación cheografica, una estreita relación con os duques de Bavera y os prencipes-bispes de Salzburgo. Dimpués d'a secularización de 1803 toda a rechión de Chiemgau pasó a fer parti de Bavera.

Chiemgau ye una fuent de fusta, fierro y sal. A producción de sal, que existió entre 1619 dica 1912, tenió una gran influyencia cultural y economica en Chiemgau.

D'atra man Chiemgau ha estau tradicionalment una zona de cría de caballos, mas que mas caballos de treballo.

Naturaleza y cheografíaEditar

A Edat de Chelo, fa 15.000 anyos, formó as tucas d'os Alpes y o paisache morrenico.

Por ista razón Chiemgau ye una redolada plena de tozals con praus verdes y a-saber-las selvas y turberas. Amás bi ha muitos lagos, d'os que o mas gran ye o Chiemsee.

Os monts mas alteros d'a zona tiene alto u baixo 2000 m d'altaria.