Calatañazor
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Calatañazor ye un municipio d'a provincia de Soria (Castiella y Leyón), en a comarca de Soria y partito chudicial de Soria.
| Calatañazor | |
| Municipio de Castiella y Leyón | |
 Anvista de Calatañazor. | |
| Entidat • Estau • Comunidat • Provincia • Comarca |
Municipio Espanya Castiella y LeyónSoria Comarca de Soria |
| Superficie | 64,91 km² |
| Población • Total |
47 hab. (2013) |
| Altaria • Meyana |
990 m. |
| Distancia • 33 km |
enta Soria |
| Alcalde | Alfredo Pérez Fernández |
| Codigo postal | 42193 |
| Ríos | Milanos |
| Coordenadas | |
| Web oficial | |
A suya población ye de 66 habitants (2008), en una superficie de 64,91 km² y una densidat d'1,02 hab/km².
CheografíaEditar
Calatañazor ye situato a 990 metros d'altaria dencima d'o ran d'a mar, a una distancia de 33 km d'a ciudat de Soria, a capital d'a suya comarca, partito chudicial y provincia. Ye dencima d'un pueyo a o canto d'o río Milanos.
D'o termin municipal de Calatañazor fan parte os lugars d'Abioncillo de Calatañazor y Aldehuela de Calatañazor.
EtimolochíaEditar
O nombre d'o toponimo ye d'orichen arabe, Qalat al-Nusur (castiello d'o vueitre u d'o azor, seguntes versions, en aragonés). Seguntes Pancracio Celdrán, significa castiello d'a torre de guaita u castiello d'a tuca de l'alica.[1]
HistoriaEditar
Muit a man (á una distancia d'1 km) de Calatañazor yera situata a ciudat ibera de Voluce, en territorio d'os arevacos; seguntes o dito Itinerario d'Antonín, yera en l'antiga vía romana d'Astorga ta Zaragoza.[1] Ye fácil que o lugar s'albandonase en os sieglos IV-V quan as postrimerías d'as imbasions barbaras ta treslladar a población a o suyo lugar actual, más protechito.
En o verán de 2002 bi abió en o lugar a batalla de Calatañazor. Seguntes a leyenda, ista batalla estió a causa d'a muerte d'Almanzor, o líder militar d'o Califato de Cordoba. Sindembargo, en realidat pareix que estió nomás una escaramuza sin muita importancia, que remató con a redota d'a retaguardia d'as tropas musulmanas. Encara que ye verdat que Almanzor morió en ista campanya militar, no morió por feridas en o campo de batalla, sino por una malautía, antis de plegar ta Medinaceli.
Dimpués d'a reconquiesta d'o lugar, Calatañazor fació parte d'a sinyoría de Padilla y, dende o sieglo XVII perteneixeba a os contes de Medinaceli.
AdministraciónEditar
AlcaldesEditar
| Lechislatura | Nombre | Partito politico |
|---|---|---|
| 1979–1983 | ||
| 1983–1987 | ||
| 1987–1991 | ||
| 1991–1995 | ||
| 1995–1999 | ||
| 1999–2003 | ||
| 2003–2007 | ||
| 2007–2011 | Víctor Ondategui Rubio | Partido Socialista Obrero Español. |
MolimentosEditar
- Castiello de Calatañazor, d'os sieglos XIV-XV, construito dencima d'o antigo castiello musulmán. A suya torre de l'homenache tien elementos d'estilo gotico. Encara se puet veyer parte d'a suya muralla, y ye vesible o suyo foso.
- Ilesia de Nuestra Sinyora d'o Castiello u de Santa María d'o Castiello, l'actual ilesia parroquial. Ye un templo d'orichen romanico d'o sieglo XII,[2] encara que nomás contina en piet d'ixas envueltas a suya paret occidental, con un oculo y a suya frontera. L'edificio tien nomás una nau, con una torre adosata. A suya capiella ye d'estilo gotico, d'o sieglo XVI, y tamién ye d'o sieglo XVI o suyo abside,[2] encara que a nau y o coro son d'o sieglo XVIII. Conserva una pila baptismera d'estilo romanico, una talla d'o sieglo XV (o dito Cristo de Calatañazor) y un retablo d'o sieglo XVII en estilo barroco.
- Ermita d'a Soledat, d'estilo romanico. Ye construita por o mesmo mayestro que a ilesia de Santa María, que ye tamién autor d'a frontera d'a ilesia d'a Natividat d'a Virchen, en o lugar de Nafría la Llana, en o termin municipal de Golmayo.[2] Ye un edificio d'o sieglo XII, encara que nomás son d'estilo romanico os suyos abside, presbiterio y frontera norte; a nau ye muit posterior, d'o sieglo XVII.[3]
- Ilesia de Sant Chuan Baptista, d'estilo romanico, hue en runas. Bi ha nomás repuis d'a suya nau, abside y presbiterio.
- Sabinar de Calatañazor, un tarabinar con una superficie d'arredol de 30 hectarias. Ye protechita legalment dende 2000 con a suya declaración como Reserva Natural (Lei 9/2000 d'a Chunta de Castiella y Leyón).
Vinclos externosEditar
Se veigan as imachens de Commons sobre Calatañazor.- (es) "En Calatañazor, el románico Magister perdió el tambor...", en o blog LaberintoRomanico.blogspot.com, con muitas imachens y comentarios sobre a ilesia de Santa María d'o Castiello.
- (es) "La Soledad" sonora... de Calatañazor en o blog LaberintoRomanico.blogspot.com, con muitas imachens y comentarios sobre l'ermita d'a Soledat.
- (es) Calatañazor en Soria-goig.com.
ReferenciasEditar
- ↑ 1,0 1,1 (es) Celdrán, Pancracio: Diccionario de topónimos españoles y sus gentilicios, Editorial Espasa Calpe, SA, Madrid, 2ª edición (chulio de 2003), pachina 184, ISBN 84-670-0146-1.
- ↑ 2,0 2,1 2,2 (es) "En Calatañazor, el románico Magister perdió el tambor...".
- ↑ *(es) "La Soledad" sonora... de Calatañazor en o blog LaberintoRomanico.blogspot.com.
| Municipios d'a comarca de Soria | |
|---|---|
| Bayubas de Abajo | Bayubas de Arriba | Blacos | Calatañazor | Cidones | Cubo de la Solana | Fuentepinilla | Garray | Golmayo | Gormaz | Los Rábanos | Quintana Redonda | Quintanas de Gormaz | Rioseco de Soria | Soria | Tajueco | Tardelcuende | Torreblacos | Valdenebro | Valderrodilla | Velilla de la Sierra | Villaciervos |