O Caire

	O Caire; القاهرة (Al-Qāhira)
	Localidat d'Echipto
	; Anvista d'o Caire.
Estau; • Gubernación	Echipto; O Caire
Superficie	214 km²
Población; • Total	; 9717324 hab. (2018)
Altaria; • Meyana	; 23 m.
Codigo postal	11511–11668
Ríos	Río Nilo
Coordenadas	30° 2’39’’N31°14’ 8’’E
	O Caire O Caire en Echipto
	[www.Cairo.gov.eg Web oficial]

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una ciudat que ye a capital d'Echipto. Ta atros usos se veiga O Caire (desambigación).

O Caire u simplamnet Caire (القاهرة (Al-Qāhira), en arabe) ye una ciudat d'Echipto, capital d'o país y d'a gubernación d'o Caire. En arabe echipcio a ciudat se clama Misr, o nombre arabe ta o país d'Echipto.

A suya población yera de 7.947.121 habitants en o 2007 en una superficie de 214 km² y con una densidat de población de 37.136,08 hab/km².

O Caire fue establida en 969 dimpués d'a conquiesta d'o país por o Califato fatimí, ye situada a o canto d'o río Nilo, en as suyas dos marguins y en bellas mechanas. Fa parte d'a Organización d'as Ciudaz d'o Patrimonio d'a Humanidat.

Toponimia

(القاهرة (Al-Qāhira) significa en arabe "o vitorioso". En "La Flor de las Ystorias d'Orient" parlan d'un "castiello de Cayre":

En todo el regno de Egipto no ha ciudat ni castiello ni otra fuerça sino la ciudat de Dria, qui es fuert bien murada et el castiello de Cayre, qui no es muyt fuert, et en aquel está...

En o "Libro del Trasoro" s'escribe en aragonés: El Cayre:

e El Cayre e Alixandría e muytas otras villas. E sabet que en Egipto es vna tierra que esta contra meydia e se estiende contra el sol ixiente, que deçaga ella es Europa e por de suso corre el rio de Njlla, yes a saber

Tamién trobamos El Caire en o "Libro d'as Marabillas d'o Mundo":

es assaber el Caire, car ailli es comunament el siege en vn bel castiello fuert et grant, assentado sobre una roqua. Et aqueill castiello ha siempre stantes quoando el soldan y es,...

antes es el ayre puro et limpio; por esto y ha ailli de buenos astrologos, car eillos non troban ninguna nuble qui los empasche. Item la cibdat del Caire es mas grande que la Babilonia: et esta assentada...

Historia

Ta más detalles, veyer l'articlo Historia d'O Caireveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O Caire fue establida en l'anyo 969 dimpués d'a conquiesta d'o país por o Califato fatimí.

A ciudat fue conquiesta o 21 de chulio de 1798 por l'Exercito francés de Napoleón Bonaparte dimpués de redotar en a batalla d'as Piramides a os mamelucos.

Esporte

Organizativament O Caire ye a seu de cuasi todas as federacions esportivas d'o país, o esporte mas popular, como en a resta d'o país, ye o fútbol. Tamién ye a siede de dos d'os clubs mas internacionalment y importants d'Africa, o Zamalek y o Al-Ahly, entre que bi ha una gran rivalidat estando os partius que chugan entre éls os mas importants y populars escayecimientos esportivos en Echipto asinas como toda a rechión arabe africana. O Zamalek ye tradicionalment o club d'a clase alta y o Al-Ahly d'as clases media y treballadora os d'os equipes han estau campions d'a Champions africana o Al-Ahly seis vegatas y o Zamalek cinco.

Instalacions esportivas

O Estadio Internacional d'O Caire.

A instalación esportiva mas important ye o Stad El-Qahira El-Dawly (Estadio Internacional d'O Caire) un estadio poliesportivo dedicau prencipalment a partius de fútbol que comparten os d'os millors clubs de fútbol d'a ciudat pa chugar como local. Tamién ye utilizau ta competicions d'atros esportes pues forma un complexo esportivo de muitas instalacions, tién una pista de atletismo en o perimetro d'o campo de fútbol, bels campos anexos ta ligas rechionals y un poliesportiu.

Competicions esportivas

O Caire como gran ciudat d'Echipto y Africa ha estau seu d'escayecimientos esportivos importants entre os que cal destacar que fue seu d'a Copa d'Africa en a suya edición de 2006 y a Copa Mundial de Fútbol Sub-20 de 2009.