Bengalins
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Bengalins বাঙ্গালী / বাঙালি | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||
| Bengalín | ||||||||||||||||||
| Musulmana, hinduismo | ||||||||||||||||||
| Assamís | ||||||||||||||||||
 | ||||||||||||||||||
.svg){kind=small}
Os bengalins[4] (en bengalín বাঙ্গালী/বাঙালি) son os habitants autoctonos d'o norte d'o golfo de Bengala: Bengala Occidental (a India) y Bengala Oriental (Bangladesh). Parlan una luenga indoaria propia, o bengalín y son musulmans u hinduístas. O modo de vida tradicional ye l'agricultura. Os bengalins superan amplament os 200 millons d'individuos.
Historia
editarEn os zaguers anyos de mandato britanico os bengalins musulmans y os bengalins hinduístas se mataban entre ellos. En agosto de 1946 os musulmans atacoron a los hindús y facioron mortaleras en Calcuta, que tenioron respuesta por part d'os bengalins hinduístas. Se calcula que os muertos plegoron a las 10.000 personas.
Dimpués d'o mandato britanico os bengalins quedoron dividitos en dos estaus: India y Pakistán, creyatos d'alto u baixo pa deseparar arias de mayoría hinduísta y arias de mayoría musulmana. O Bangladesh actual constituiba o Pakistán Oriental y yera mes poblato y rico que o Pakistán Occidental, con o que no teneba continuidat territorial. A deseparación d'os dos estaus significó pa os bengalins movimientos de población masivos: 3 millons de bengalins hinduístas emigroron a la India, en especial t'as rechión_nativa1 d'o nord-este y un millón de bengalins musulmans emigroron a Bangladesh.
Ya en os primers anyos d'independencia encomenzoron os conflictos politicos con Pakistán Occidental:
- A clase politica d'o Pakistán Occidental con 34 millons dominaba a vida politica d'o país encara que o Pakistán Oriental yera mes poblato, con 42 millons
- O estau pakistanés obteneba a mayor part d'os recursos d'exportacions d'o Pakistán Oriental, o chute en particular, pero no invertiba guaire en a suya rechión mes productiva.
- O gubierno pakistanés prebó de fer de l'urdú a luenga nacional d'os musulmans pakistaneses y la oficial, feito que provocó riotas en Dacca dende 1952 y a formación d'un movimiento d'autodefensa bengalín que se tornará autonomista.
En marzo de 1971 encomenzó una represión contra os autonomistas bengalins que se convertió en o prencipio d'una guerra que remató o 16 d'aviento con a independencia de Pakistán Oriental con o nombre de Bangladesh, "Bengala Oriental". En a represión y dimpués guerra o gubierno de Pakistán prebó d'eliminar a os independentistas, a los intelectuals y a lo que quedaba d'a minoría bengalina hinduísta, os independentistas bangladeshís preneban represalias cuentas a minoría d'os biharís, que no yeran partidarios d'a independencia. A India aduyó a Pakistán Oriental en a suya guerra d'independencia de Bangladesh. Si a lo principio muitos bangladeshís se refuchioron en a India, y a la fin d'a guerra bi heba 8 millons de refuchiatos, os hindús entrebaban a las "Fuerzas de Liberación" u Mukti Bahini.
Dimpués d'a guerra d'independencia a emigración d'os bengalins de Bangladesh enta a India ha continato. A población bengalina ha augmentato en Assam, Tripura y Mizoram, y esto ha producito una reacción hostil por part d'a población autoctona, con movimientos como o Frente Unito de Liberación d'Assam, que preba de forachitar a los bengalins.
Referencias
editar- ↑ https://www.cia.gov/library/publications/the-world-factbook/geos/bg.html#People
- ↑ http://www.everyculture.com/wc/Afghanistan-to-Bosnia-Herzegovina/Bengalis.html
- ↑ The 2 Million Bengalis of Karachi - Daily Times
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Datos: Q402913
Multimedia: Bengali people / Q402913
