Hinduismo
O hinduismo (sanscrito: हिन्दू धर्म, Hindū Dharma, u सनातन धर्म, Sanātana Dharma) ye una relichión orichinada en a India. A mayor parti d'os hindús creyen en un esprito cosmico supremo clamau Brahmā que puede adoptar cuantas formas y representau por dioses individuals como Viṣṇu, Śiva y Śakti.
Os suyos libros sagraus son os Vedas, o Bhagavad-gītā, os Purāṇas, o Mahābhārata y o Rāmāyaṇa, escritos en sanscrito que ye a suya lengua liturchica, os suyos sacerdotes y hombres santos son os Gurús, os Brahmanes y os Swamis entre d'atros.
Ye localizada prencipalment en a zona d'influencia d'a India a on un 75% d'a población ye hinduista, cal destacar que en Nepal ye a relichión mayoritaria a on o 80% d'a población practica o hinduismo, tamién bi ha importants concentracions de minorias hinduistas en países d'occident que reciben immigración hindú como Estaus Unius, Reino Uniu u Panamá.
