Ardoné
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Ardoné (Ardanué en castellano) ye un lugar aragonés amán de Las Pauls y perteneixient a iste municipio d'a comarca de Ribagorza, en a provincia de Uesca.
| Ardoné | |
| Lugar d'Aragón | |
| Entidat • País • Provincia • Comarca • Municipio |
Lugar Aragón.svg){kind=small} UescaRibagorza Las Pauls |
| Partiu chudicial | Balbastro |
| Población • Total |
3 hab. (2010) |
| Altaria • Meyana |
1.360 m. |
| Codigo postal | 22474 |
| Parroquial • Diocesi • Arcipestrau |
Balbastro-Monzón Sobrarbe-Ribagorza |
| Coordenadas | |
Cheografía
editarYe situato entre dos barrancos que desembocan en o río Baliera, por a marguin dreita, a 1.360 metros d'altaria sobre o ran d'a mar.
Historia
editarToponimia
editarSeguntes Rafael Bidaller Tricas ye Ardoné en a val de Castanesa y en a val de Barrabés. Seguntes Gerhard Rohlfs se pronuncia Ardané, pero no esplica on. Seguntes Antonio Ubieto Arteta yera Ardanuy de las Cebas en 1543; Ubieto diz que en 1834 formó municipio con Nerill (Neril y Ardanués, en plural).
S'interpreta que o suyo nombre ha evolucionato con perduga d'o diftongo -ué-, que diferencia l'aragonés d'o catalán, y reducción d'o diftongo -ua-, tamién visible en a comarca en aragonesismos arcaicos como La Cuasta:
- Ardanué > Arduané > Ardoné.
En o fogache de 1409 mencionan a un 'Adernuey que podeba corresponder a Ardoné:
Rohlfs en 1952 interpreta que ye un caso de terminación -ué dezaga d'un antroponimo hipotetico Ardanus que se deriba d'o antroponimo galo Arda, documentato en Galia. Rohlfs comenta que se puet contimparar con Ardacus, que ye o nombre d'un figulus, y que puet estar equivalent d'un Ardenay d'o departamento de Sarthe, y que se deriva d'un *ARDENACUS.
A la ezquierda d'o río Baliera, enfrent d'on desembocan os barrancos que baixan dende Ardoné, y puyando por atros barrancos, bi ha un toponimo etimolochicament igual, pero sin trazas de diftongo -ué-: Ardanui. Tamién bi ha atro toponimo pareixito en Embún, o despoblato d'Ardanés.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Molimentos
editar- Ilesia de San Esteban d'Ardoné, una ilesia en estilo romanico d'o sieglo XII con detalles lombardos. Consta d'una sola nau con un abside semicercular.
- Casa Peric, un edificio d'o sieglo XVI.
| Lugars d'o municipio de Las Pauls | |
|---|---|
| Abella | Alins | Ardoné | Denui | Espés d'Alto | Espés de Baix | Las Pauls | Llaunas | Nerill | Suils | Villargüé | Villaplana Despoblaus: Piedrafita |
Datos: Q13048410
