Terminación -ué (toponimia)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A terminación -ué ye común en a toponimia de l'Alto Aragón central y oriental en zonas on o latín local evolucionó ta l'aragonés. Como va dimpués de radices que en muitos casos son antroponimos se crei que deriva d'un antigo sufixo indicador de pertenencia.

Se crei que ye equivalent etimolochico d'a terminación -ués propia de l'Alto Aragón occidental y d'a terminación -uí mes propia de Ribagorza y Pallars, y ye equivalent semantico d'a terminación occitana -ac y d'a terminación -asco propia d'os Alpes y norte d'Italia.

A terminación -ué ye fácil que siga a evolución fonetica d'un sufixo -oius activo en tiempos baxoimperials y alta Edat Meya y de probable orichen prerromano. Este sufixo -oius ye documentato en as palabras:

• ATTOIUS, cuaternato en Galia chunto a lo chentilicio Attius documentato en Hispania.
• ANNICCOIOS, cuaternato en Aquitania a lo costato d'o cognomen Annicus, cuaternato en una inscripción de Nîmes.
• CAPITOIOS, cuaternato en una inscripción d'a Narbonés, a lo costato d'o cognomen Capitos, cuaternato en Bordeus.
• CONTEDOIOS, a lo costato d'o chentilicio Contedius, documentatos en a Lugdunense.
• CONTESOIOS, derivato d'o chentilicio Contessius, que se puet leyer en bellas inscripcions galas.
• LUSSOIUS, nombre d'un dios de Luxeuil, cuaternato en una inscripción d'esta ciudat de Haute Saône.

As inscripcions en -ODIUS pueden estar hipercorreccions de -OIUS, (contra hodie > hoye en latín vulgar, "huei" en aragonés y Podium > poyo en latín vulgar, "pueyo" en aragonés):

• ALLODIUS, cuaternato en Galia, a lo costato d'o cognomen Allus cuaternato en Hispania.
• CARANTODIUS, una inscripción gala, a lo costato de Carantius en a mesma inscripción.
• GENETODIA, nombre de muller documentato en Galia, a lo costato d'o cognomen Genetus.

Ye o mesmo caso que en cheneral en latín galico feban servir o sufixo -acus: Alliacus-Allios, Artacus-Artos, Cariacus-Carios, Juliacos-Julios, y en latín mes cheneral o sufixo -anus: Octavianus-Octavius, Julianus-Julius, que indica pertenencia. D'esta traza Octavianus significa "perteneixient a la familia d'Octavius"

Lista de toponimos terminatos en -ué

• Adernuey toponimo documental d'o fogache de 1405.
• Alastrué.
• Alastuei.
• Allué.
• Aquilué.
• Belsué.
• Bentué.
• Bestué.
• Binué.
• Campanué.
• Chillué.
• Chinagüé (Sobás).
• Güé
• Martillué.
• Orzandué.
• Ramastué.
• Renanué.
• Satué.
• Senegüé
• Serué.
• Semolué.
• Toronzué
• Uxué.
• Villargüé.

Toponimos que pueden haber tenito una terminación en -ué

• Paternoi, que a vegatas amaneix en a documentación como Paternuey.
• Estercuel.
• Berroy (Sobrarbe).

Referencias

• Gerhard Rohlfs. LE SUFFIXE PRÉROMAN -UÉ, -UY DANS LA TOPONYMIE ARAGONAISE ET CATALANE. Archivo de Filología Aragonesa IV. 1952.

• Datos: Q13050284