Amorriador

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un amorriador u amurriador sole estar un claro u, mas propiament, un «fitero» en a montanya a on que as cabezas de ganau remugants s'agrupan y se chitan con frecuencia ta fer a murria u «amorriar».

Un amorriador, con vacas fendo la murria, en Suiza.

Utilidat

Una caracteristica de muitos remugants, y que s'explota en ganadería, ye que son gregarios y tienden a desplazar-se y fer as actividaz en grupichons lo menos que cualque numero d'animals. A murria no en ye una excepción, y a la hora de chitar-se a amorriar, prefieren puestos tranquilos, con fácil fuyida, y a on que sienten que podrían veyer-se a venir os depredadors a cualque cosa de distancia.

Muitos amorriadors son zonas claras de vechetación que fan mas fácil cosirar os animals dende a distancia. Manimenos, os mesmos animals pueden tener diferents amorriadors en a partida de mont por a on se mueven, y fer-ne servir unos u es atros en función de variables como o tempero, a temperatura u a estación de l'anyada a on que sían, y pueden preferir puestos de solano cuan fa fresca, u de mosquera t'acalorar cuan a temperatura ye alta u fa bel orache.

Bellas vegadas se puede trobar amorriadors d'orichen natural, a on que simplament os animals s'han iu acostumbrando a amorriar u porque i tienen condicions favorables, y belatros pueden ser d'oríchen antropica, por eixemplo si s'ha desbrozau bella parzana en o monte que ye visible dende lugar, a on resida l'amo, con a intención de que os animals a prefieran. Manimenos, como as preferencias d'os animals pueden pender de as condicions meteorolochicas, se troba tamién exemplos d'uso d'o termín amorriador aplicaus a puestos chusto a la contra, de uembra, anque son menos frecuents.

Se veiga tamién

• Murria.
• Fitero.
• Acaloradero.
• Ampriu.
• Alera y Dreito d'alera.
• Femalla.

• Datos: Q25619871