Chesús Casaus Parrilla
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Chesús Casaus | |
|---|---|
| Información personal | |
| Calendata de naixencia | 1963 |
| Puesto de naixencia |  Zaragoza (Aragón)
|
| Ocupación | Autor de guías de montanya y senderismo, mapas, y traductor d'obras a l'aragonés. |
Chesús Casaus Parrilla (Zaragoza, 1963) ye un autor de guías de montanya, monitor de cursos y estudioso d'a luenga aragonesa natural de Zaragoza. Ye autor y co-autor de guías y libros de divulgación sobre senderismo, naturaleza y esportes de montanya con PRAMES,[1] y colaborador habitual d'ixa interpresa aragonesa.
Companyero de Chusé Aragüés por a suya actividat en PRAMES, ha expublicau tamién libros sobre l'aragonés a traviés de a editorial d'aquéll; Gara d'Edizions[2], ye o traductor a l'aragonés de A plebia amariella[2] de Julio Llamazares, y, en chunto con Pascual Miguel, ye o responsable d'aprestar ta la edición o Diccionario Dialectal Altoaragonés d'Hortensia Buisán Bernad y os Estudios sobre la tradición cultural en la zona limítrofe del Alto Aragón y Navarra de Werner Bergmann, toz dos con Gara d'Edizions.[2]
Estudioso auto-didacta de l'Aragonés, ha replegau una grant colección de termins y voces aragonesas en a suya vida, especialment con ocasión d'os suyos treballos de campo que l'han levau por tot Aragón.[2] En 2008, expublicó o suyo Dizionario Aragonés de Terminos Cheograficos, en chunto con Pascual Miguel, que ye producto en buena parte d'ixe intenso treballo lexicografico.[2]
Referencias editar
- ↑ (an) CASAUS PARRILLA, Chesús y MIGUEL BALLESTÍN, Pascual, Dizionario Aragonés de Terminos Cheograficos; Gara d'Edizions. Zaragoza, 2008. ISBN 978-84-8094-059-7
- ↑ 2,0 2,1 2,2 2,3 2,4 (es) Ficha d'autor de Chesús Casaus en a web de Gara d'edizions; consultada o 8 d'octubre de 2015.