American Gangster (cinta)
- Iste articlo ye sobre una cinta biografica y policiaca de cine estausunidense de l'anyo 2007; ta atros usos, se veiga American Gangster.
.svg){kind=small}
American Gangster (títol orichinal en anglés, en aragonés Gángster americano, enguerada en Aragón con o suyo títol orichinal) ye una cinta de cine biografico y cine policiaco de gángsters de l'anyo 2007 de cine estausunidense dirichida por Ridley Scott seguntes un guión adaptau por Steven Zaillian (basau en The Return of Superfly, un articlo publicau por Mark Jacobson en o magazine New York), con una banda sonora orichinal de Marc Streitenfeld, una dirección de fotografía de Harris Savides y una producción cinematografica de Ridley Scott y Brian Grazer ta las productoras Imagine Entertainment, Scott Free Productions y Relativity Media. L'elenco d'actors principals d'a cinta ye formau, entre d'atros, por Denzel Washington, Russell Crowe, Chiwetel Ejiofor, Josh Brolin, Lymari Nadal, Ted Levine, Roger Guenveur Smith, John Hawkes, RZA, Yul Vazquez, Malcolm Goodwin, Ruby Dee, Ruben Santiago-Hudson, Carla Gugino, John Ortiz, Cuba Gooding Jr., Armand Assante, Joe Morton, Ritchie Coster y Idris Elba.
American Gangster s'inspira en a vida d'o "gángster" Frank Lucas, qui fació una destacada carrera en o mundo d'o trafico de drogas en trobar una traza de suprimir a toz os intermediarios en o comercio d'a droga en conseguir transportar directament dende Tailandia a heroína dica los Estaus Unius fendo servir ta lo suyo transporte los avions que levaban as caixas de muerto a on se transportaban os cuerpos d'os soldaus de l'exercito estausunidense muertos mientres a guerra de Vietnam. A cinta prencipia cuan Frank Lucas, que dica l'inte yera lo guardaspaldas de Bumpy Johnson, lo chefe d'a mafia d'o barrio de Harlem, lo substutui en morir iste d'un infarcto, y decide marchar enta lo puesto a on se produz a droga ta eliminar intermediarios y augmentar notablement asinas os suyos beneficios.
A cinta s'ambienta en os anyos 1960 y anyos 1970 en Nueva York (Nueva York), Newark (Nueva Jersey) y Carolina d'o Norte en os Estaus Unius y Vietnam y Tailandia en Asia. Las suyas escenas se filmoron en Chiang Mai (provincia de Chiang Mai) en Tailandia, y en Nueva York (Nueva York) y en Nueva Jersey en os Estaus Unius.[2]
Se tracta d'una cinta con cuantos premios y nominacions, entre los cuals destacan dos nominacions a los Premios Oscar en a suya 80ena edición (incluyindo-ie l'Oscar a la Millor Actriz Segundaria), cinco nominacions a los Premios BAFTA en a suya 61ena edición (incluyiu lo BAFTA a la Millor Cinta) y tres nominacions a los Premios Globos d'Oro (Millor Cinta Dramatica, Millor Director y Millor Actor Dramatico).
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
Vinclos externos editar
- (en) Pachina web oficial d'American Gangster.
- (en) American Gangster en Internet Movie Database.
- (en) American Gangster en Rotten Tomatoes.
- (en) American Gangster en Metacritic.
- (en) American Gangster en Box Office Mojo.
- (en) American Gangster en AllMovie.
- (es) American Gangster en FilmAffinity.
- (fr) American Gangster en Allociné.
- (en) American Gangster en Letterboxd.
- (en) American Gangster en l'American Film Institute Catalog de l'American Film Institute.
- (en) American Gangster en Netflix.