Alsacia

rechión de Francia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Alsacia (en francés Alsace; en alemán y alsaciano Elsass) yera una antiga rechión de Francia. Mugaba con Alemanya, Suiza y as rechions francesas de Lorena y o Franco Condau. Yera dividita en dos departamentos: o Baixo Rin a o norte, con a ciudat d'Estrasburgo, y l'Alto Rin a o sud.

Alsacia
Alsace
Elsass
Antiga rechión de Francia
Escudo de  Alsacia
Bandera Escudo

Mapa de situación en Francia
Anyos 1960-2015
Rechión actual Gran Este
Entidat
 • Estau
Antiga rechión
Francia
Capital Estrasburgo
Subdivisions
 • Districtos
 • Cantons
 • Comunas

13
75
903
Departamentos Baixo Rin
Alto Rin
Idioma oficial
 • Atros idiomas
Francés
Alsaciano
Superficie
 • Total

8 280 km²
Población
 • Total (1999)
 • Densidat
Pos. 14ª
1.734.145 hab.
217 hab/km²
ISO 3166-2 FR-6AE
Pachina web oficial

Historia editar

Alsacia ye un territorio que en a Edat Meya teneba una población chermanica descendients d'a stamne d'os alamans. A monarquía francesa de tiempos de l'Antigo Rechimen se planteyó o problema d'as mugas de Francia en o contexto d'a luita contra os Habsburgo d'Austria y Espanya, decidindo una expansión territorial pa impedir intervencions foranas en Francia.

En 1648 os tractatos de Westfalia posan fin a la guerra d'as Trenta Anyadas. Francia obtién a reconoixencia d'a suya sobiranía en tres bispatos ocupatos dende 1552 y bels territorios d'Alsacia.

As guerras contra os Habsburgo, Holanda y Anglaterra ocupan unas 30 anyatas d'o reinato de Loís XIV (1643-1715). O resultato ye l'anexión de part d'os Países Baixos enantes espanyols, d'o Franco Condau (1678) y d'o resto d'Alsacia, con Estrasburgo.

En a Guerra Franco-Prusiana Francia fue derrotata y o 10 de mayo de 1871 Francia cede a Alemanya Alsacia (de fueras de Belfort), y una part de Lorena, con Metz.

Dimpués d'a rendición d'Alemanya en a Primera Guerra Mundial as rechions chermanicas d'Alsacia y una part de Lorena tornan a Francia sin consultar-lo a la población local, en gran part chermanofona.

Dimpués de l'armisticio de Francia con Alemanya o 22 de chunio de 1940 Alsacia y una part de Lorena tornan a Alemanya, pero con a derrota d'Alemanya a la fin d'esta guerra, Alsacia queda en Francia ya de pa cutio.

Baixo o periodo de pertenencia a Francia o proceso d'afrancesamiento ha ito avanzando, disminuindo o porcentache de parlants de l'idioma chermanico y augmentando o porcentache de parlants d'o francés stándard, como ha esdeveniu en o Rosellón y atros territorios anexionatos historicament con una luenga diferent a lo francés. Tamién s'ha fomentato o secesionismo lingüistico, existindo a denominación d' "alsaciano" pa l'alemán d'Alsacia, de chos a pretensión que ye un idioma diferent como en o caso d'o valenciano en Espanya.


Antigas rechions y departamentos d'ultramar de Francia  
Rechions

Alsacia | Alta Normandía | Aquitania | Auvernia | Baixa Normandía | Borgonya | Bretanya | Campanya-Ardenas | Centro | Corcega | Franco Condau | Isla de Francia | Lemosín | Lenguadoc-Rosellón | Lorena | Meyodía-Pireneus | Norte-Paso de Calais | Países d'a Loira | Picardía | Poitou-Charentes | Provenza-Alpes-Costa Azul | Roine-Alpes

Departamentos d'Ultramar Guadalupe | Guayana Francesa | Martinica | Mayotte | A Reunión