Almuades en Al-Andalus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Los almuades en Al-Andalus se troboron con la resistencia tanto de musulmans autoctonos como de los reinos cristianos, que ya heban avanzato muito en la reconquiesta de lo centro de la Peninsula Iberica. A lo principio los almuades conoixioron importants abances, pero fuoron derrotatos por una liga de reinos cristianos en la batalla de las Landas de Tolosa.

Mapa amostrando l'aria baixo control de los almuades en la peninsula Iberica y las rotas d'ataque dende Castiella y Aragón. Tamién se i pueden veyer los reinos de Portugal, Leyón y Navarra

En Al-Andalus, los musulmans nativos u muladís no yeran d'alcuerdo con las doctrinas integristas de los almurabiz u los almuades, pero a vegatas las circunstancias los feban aliniar-sen con ellos contra un enemigo común. Cuan los almuades sustituiban a los almurabiz en lo dominio de Berbería lo rei Lop, un rei taifa de Murcia que no yera ni arabe ni berber (yera muladí) consiguió dominar la mes gran part de lo sudeste de la peninsula Iberica y resistir por muito tiempo l'abance, feito que aproveitó Alifonso I d'Aragón pa abanzar por tierras de los ríos Guadalop y Guadalaviar.

Lo principio de la fin de los almuades en Al Andalus estió en 1212 con la batalla de las Landas de Tolosa, on los exercitos de los reis d'Aragón, Castiella y Navarra vencioron a los almuades.

Los almuades en fuents aragonesas y navarras

En los elementos romances de textos latinos escritos en Aragón en los sieglos XI y XII s'escribe mezmuds. En la "Cronica de Tudense" escriben almofades:

E apres haujdo co(n)sello co(n) Benabeth / fizio uenjr en espanya las gentes barbaras de ultra mar / clamadas almorabides / o almofades / porq(ue) se cuydaua q(ue) se batallassen co(n)tra los otros moros. Mas los moros almofades en partida co(n) cuchiello e en partida co(n)(f)[s]ello retornaro(n) en concordia co(n) los otros moros de espanya.

En la "Grant Cronica de Espanya" escriben almohades

Nombre abenhue el cual era del linage delos Reyes de granada et con aquellos que tenien su partida fizo g(ue)rra alos que eran del linage de almohades et conquisto et apoderosse de toda la tierra quelos moros auie daca la mar el cual abenhuc fue muerto [^en] almaria

En a "Cronica de Espaynna" de García d'Eugui escriben Almoades:

Jt(e)m en t(iem)po et dias deste Rey don ferrando se lebanto hun moro q(ue) le dezia(n) abenfut en tierra de murçia assi que. a pocos dias casi todos los moros q(ue) h(e)ran a quemar lo obedecian et fizo escabeçar qu(an)tos almoades pudo fallar et p(r)iso murçia et otras muchas fortalezas et fizo sus senall(e)s.

Veyer tamién

• Almuades.
• Almurabit.
• Almurabiz en Al-Andalus
• Batalla de las Landas de Tolosa.