Berbería

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Berbería u Costa berberisca ye o termin que os europeus feban servir dende o sieglo XVI dica o XIX pa referir-se a las rechions costeras de Marruecos, Alcheria, Tunicia y Libia, ye dicir, l'actual Magreb, fueras d'Echipto. O nombre deriva d'os berbers, alavez ditos berberiscos. En Occident, o termin s'emplega por un regular pa parlar d'os piratas y os comerciants d'esclavos que poblaban ixas costas y basaban en estas actividaz a suya economía y que suposaban una amenaza costant pa as embarcacions comercials y dica as ciudaz costeras d'a Mediterrania.

Mapa de Berbería (Gerardus Mercator, 1630).

Berbería cuasi nunca no ha teniu un gubierno unificau. Dende o sieglo XVI enta debant, se trobó dividida entre entre Marruecos, Archelia, Tunicia (huei Túniz) y Tripolitania (huei parte de Libia). Entre os gubernants mes celebres d'estos territorios estioron o Paixá u Bei d'Archel, o Bei de Túniz y o Bei de Tripoli, toz ellos tributarios d'o Soldán de l'Imperio Otomán, pero con gran autonomía de gubierno.

En a historia d'Espanya, a rechión tien una gran relevancia como patria d'acollida d'os moriscos, que desembolicoron actividaz de piratería en ixas envueltas de Felipe III y Felipe IV dimpués d'a suya expulsión. Salé, por eixemplo, estió gobernada por piratas berberiscos, que aproveitando as conoixencias d'as costas espanyolas d'os moriscos, atacoron o Levant espanyol en buena parte d'o sieglo XVI.

Berbería en fuents aragonesas

Se fa mención de Berbería en o "Libro d'el Trasoro", en o capítol 27 cuan parlan d'Aleixandre lo Gran:

El fue virtuoso sobre todas las gentes, mas muyto fue vençido por vino e por luxuria. El vincio a las .xxij. nasciones de Berberia e .xiij. de Grecia;...

Tamién en a "Cronica de Sant Chuan d'a Penya".

Et aquesto supieron moros dallent mar et vinieron con muy grant poder de toda Berbería et con los moros de la tierra de aqua, cercaron al Cit en Valencia. Et sediendo muy affrontado dellos, emuió a rogar al rey Don Pedro de Aragon.

Referencias

• Datos: Q501768
• Multimedia: Barbary Coast / Q501768