All the President's Men (cinta)
- Iste articlo ye sobre una cinta de cine estausunidense de drama d'intriga politica de l'anyo 1976; ta lo libro d'ensayo sobre lo que se basa la cinta, se veiga All the President's Men.
All the President's Men (títol orichinal en anglés, en aragonés Toz os hombres d'o president, enguerada en Aragón con o suyo títol traduciu enta lo castellano como Todos los hombres del presidente) ye una cinta de cine estausunidense de cine de drama d'intriga politica d'Historia de l'anyo 1976 dirichida por Alan J. Pakula seguntes un guión adaptau por William Goldman, basau en All the President's Men, un ensayo publicau por os periodistas Carl Bernstein y Bob Woodward que reculle as suyas investigacions sobre lo caso Watergate, l'actividat ilegal d'espionache politico de l'alavez president d'os Estaus Unius Richard Nixon, que remató con a suya dimisión y reprobación. A banda sonora orichinal d'a cinta ye compuesta por David Shire, estando l'autor d'a suya producción cinematografica Walter Coblenz, ta la productora cinematografica Wildwood Enterprises, y lo responsable d'a suya dirección de fotografía Gordon Willis. Finalment, destacan en l'elenco d'a cinta, entre d'atros, os actors Dustin Hoffman, Robert Redford, Jack Warden, Martin Balsam, Hal Holbrook, Jason Robards, Jane Alexander, Stephen Collins, Ned Beatty, Meredith Baxter, Penny Fuller, Penny Peyser, Lindsay Crouse, Robert Walden, F. Murray Abraham, David Arkin y Richard Herd.
A cinta conta o proceso d'investigación que facioron os periodistas Carl Bernstein y Bob Woodward y que publicoron en o diario The Washington Post sobre l'espionache organizau por Richard Nixon, qui yera alavez o president d'os Estaus Unius, contra lo suyo oponent en as eleccions presidencials estausunidenses de 1972, o militant d'o Democratic Party George McGovern, dica rematar con a dimisión de Nixon o 9 d'agosto de 1974. Asinas, a cinta s'ambienta en Washington, DC en os anyos 1972, 1973 y 1974 y las escenas d'a cinta se filmoron en Burbank, Los Angeles, Santa Monica y atras localidaz de California, en Arlington en Virchinia y en Washington, DC (incluyindo-ie lo Capitolio d'os Estaus Unius).[2]
Ye una cinta que ha recibiu cuantismos premios y nominacions, podendo-se destacar cuatro Premios Oscar (incluyiu Millor Actor Segundario) y atras cuatre nominacions (incluyius Millor Cinta, Millor Actriz Segundaria y Millor Director), en a suya 49ena edición; 10 nominacions a los Premios BAFTA en a suya 30ena edición, incluyius Millor Cinta, Millor Director, Millor Actor, Millor Actor Segundario (ta dos actors, Martin Balsam y Jason Robards); y cuatre nominacions a los Premios Globos d'Oro en a suya 34ena edición, incluyius Millor Cinta Dramatica, Millor Actor Segundario, Millor Director y Millor Guión.
Elenco[3] editar
Actor | Papel | Notas |
---|---|---|
[[]] | ' |
Se veiga tamién editar
Referencias editar
Vinclos externos editar
- (en) All the President's Men en Internet Movie Database.
- (en) All the President's Men en TCM Movie Database.
- (en) All the President's Men en AllMovie.
- (en) All the President's Men en Box Office Mojo.
- (en) All the President's Men en Rotten Tomatoes.
- (es) All the President's Men en FilmAffinity.
- (fr) All the President's Men en Allociné.
- (en) All the President's Men en Letterboxd.
- (en) All the President's Men en Metacritic.
- (en) All the President's Men en l'American Film Institute Catalog de l'American Film Institute.