Alionor de Secilia
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Alionor de Sicilia | |
|---|---|
| Reina consort d'Aragón | |
 | |
| 13 de chunio/27 d'agosto de 1349-20 d'abril de 1375 | |
| Predecesor | Alionor de Portugal |
| Succesor | Sibila de Fortià |
| Naixencia | 1325 Paternò |
| Muerte | 20 d'abril de 1375 Leida |
| Conchuche/s | Pero IV d'Aragón |
| Dinastía | Casa d'Aragón |
| Pai | Pero II de Sicilia |
| Mai | Isabel de Carintia |
 | |
Alionor de Sicilia (1325 - Leida, 20 d'abril de 1375)[1] estió una reina d'Aragón. Yera filla d'o rei Pero II de Sicilia y d'Isabel de Carintia. Tanto ella como as chirmanas suyas favoreixioron a o partiu d'a Corona d'Aragón d'a isla de Sicilia, integrau por nobles d'ascendencia catalana que yeran concaraus con a resta d'a nobleza proanchevina.
Biografía editar
Estió a tercera muller d'o rei Pero IV o Ceremonioso con qui se casó en 1349 con a condición de que renunciara a toz os eventuals dreitos sobre a corona siciliana. Aconsiguió que su chermano, Frederico III de Sicilia, se casara con Constanza, filla mayor d'o suyo mariu. En 1357 Frederico le transmitió os dreitos succesorios d'o reino de Sicilia y tamién os dreitos sobre os ducaus d'Atenas y Neopatria, que no fuoron incorporaus a la Corona d'Aragón dica 1380.
Alionor, muller de caracter muit cerenyo y acostumbrada a o mando,[2] refirmó politicament a suyo mariu, a qui acompanyó en a expedición a Cerdenya (1354-1355). Antimás, estió enemiga, entre atros, d'o viello consellero d'o suyo mariu, Bernardo de Cabrera.[3] Aproveitando o descontento cheneral produciu por a duración d'a guerra d'os dos Peros y debant de l'ausencia d'o rei, intervino de forma decisiva en a cayida en desgracia y execución d'o consellero en 1364.
Residió en o Palacio Menor de Barcelona, construyiu ta ella. Fue mai d'os reyes Chuan I d'Aragón y Martín l'Humanista asinas como d'Alionor d'Aragón, muller d'o rei Chuan I de Castiella. A la suya muerte fue levada enta o monesterio de Poblet.[4]
Referencias editar
- ↑ (en) Sicily-Naples: counts & kings.
- ↑ (es) Judaísmo hispano: estudios en memoria. José Luis Lacave Riaño, Volumen 1
- ↑ (es) Los Trastamara y la Unidad Española. Rialp, Ediciones, S.A
- ↑ (es) Historia de el Real Monasterio de Poblet: ilustrada con disertaciones. Jaime Finestres y de Monsalvo. Imprenta de la Pontificia y Real Universidad. Manuel Ibarra. 31 d'aviento de 1756
| Predecesora: Alionor de Portugal |
Consort d'o rei d'Aragón 13 de chunio/27 d'agosto de 1349-20 d'abril de 1375 |
Succesora: Sibila de Fortià |