Alionor de Portugal
| Alionor de Portugal | |
|---|---|
| Reina consort d'Aragón | |
| 19 de noviembre de 1347-29 d'octubre de 1348 | |
| Predecesor | María de Navarra |
| Succesor | Alionor de Sicilia |
| Atros títols | |
| Infanta de Portugal | |
| Naixencia | 1328 ? |
| Muerte | 30 d'octubre de 1348 Fuent la Reina |
| Conchuche/s | Pero IV d'Aragón |
| Dinastía | Casa de Borgonya |
| Pai | Alfonso IV de Portugal |
Alionor de Portugal (1328[1] - 30 d'octubre de 1348), infanta de Portugal y reina consort d'Aragón entre 1347 y 1348.[2]
Yera a zaguera filla naixida d'o matrimonio d'o rei Alifonso IV de Portugal y Beatriz de Castiella,[2] a infanta Alionor yera nieta de Dionís I y Isabel d'Aragón por vía paterna y de Sancho IV de Castiella y María de Molina por vía materna, y chirmana de Pero I de Portugal entre atros.
Biografía
editar
Poco se sabe d'a suya nineza. As primeras informacions apareixen a os suyos 18 anyos cuan os reis se disputaban a suya man con a fin de tener o refirme portugués: Alifonso XI de Castiella, que la quereba ta o suyo sobrín, Ferrando d'Aragón y Pero IV d'Aragón, con qui remató casando-se [2] o 14 u o 15 de noviembre de 1347[3] en Barcelona, de qui estió a segunda muller dimpués d'a muerte de María de Navarra ixe mesmo anyo. Alionor estió a primera y a unica reina d'Aragón naixida de Portugal.[4]
Morió un anyo dimpués, o 30 d'octubre de 1348 camín enta Exerica, dimpués d'haber contrayiu a peste negra cuan se trobaba en Teruel.[4][5] Encara que bels autors dicen que fue mai d'una filla dita Beatriz que morió estando nina y que fue criada por su abuela materna,[6] entre éls Cheronimo de Zurita y Rui de Pina, no bi habió descendencia d'o matrimonio d'a infanta portuguesa y o rei aragonés. En o suyo testamento, Alionor no nombra a ista suposada filla que a suya abuela, a reina Beatriz, menciona en os suyos dos testamentos de 1357 y 1358, en os que diz que as restas d'a chicota Beatriz, probablement filla borde de Pero I de Portugal, que heban estau apedecaus d'antis mas en o convento de Sant Francisco en Santarém, estasen ficaus en a suya tumba.[7]
Primero fue enterrecada en Exerica y no estió dica chunio de 1350, cuan haba retaculau a peste negra, que as suyas restas fuoron tresladadas y apedecadas en o pantión d'os reis en o monesterio de Poblet, seguntes heba dispuesto en o suyo testamento atorgau en septiembre de 1348 en o que quereba estar enterrecada chunto a o suyo mariu.[8]
Referencias
editar- ↑ Rodrigues Oliveira, 2013, pach. 217
- ↑ 2,0 2,1 2,2 Almeida Rodrigues, 2013. Pach. 89
- ↑ Almeida Rodrigues, 2013. Pach. 93
- ↑ 4,0 4,1 Rodrigues Oliveira, 2013. Pach. 221
- ↑ Rodrigues Oliveira, 2013. Pach. 93
- ↑ Rodrigues Oliveira, 2013. Pach. 222
- ↑ Almeida Rodrigues, 2013. Pach. 94
- ↑ Almeida Rodrigues, 2013. Pach. 93-94
Bibliografía
editar- (fr) Les femmes dans l’espace nord-méditerranéen. Un destin interrompu: Aliénor de Portugal, brève reine d'Aragón. Ana Maria de Seabra Almeida Rodrigues. Etudes Roussillonnaises. Revue d'Historie et d'archéologie Méditterranéennes. Éditions Trabucaire, 2013. Canet-en-Rousillon. Vol. XXV. Pach. 89-96. ISBN 978-2-84974-168-9
- (pt) "Rainhas medievais de Portugal. Dezassete mulheres, duas dinastias, quatro séculos de História". Ana Rodrigues Oliveira. A esfera dos livros, Lisboa. 2010. ISBN 978-989-626-261-7
| Predecesora: María de Navarra |
Consort d'o rei d'Aragón 19 de noviembre de 1347-29 d'octubre de 1348 |
Succesora: Alionor de Sicilia |
Datos: Q1042344
Multimedia: Eleanor of Portugal, Queen of Aragon / Q1042344
