Admiral (cinta de 2008)
- Iste articlo ye sobre una cinta biografica, dramatica, romantica y belica rusa de l'anyo 2008; ta atros usos, se veiga Admiral y Admiral (cinta).
Адмиралъ (transliterau como Admiral, títol orichinal en ruso, que en ruso moderno s'escribe Адмирал, en aragonés Almirant, enguerada en Aragón con o suyo títol traduciu enta lo castellano como Almirante) ye una cinta de cine ruso de cine biografico de drama romantico y belico de l'anyo 2008 dirichida por Andrei Kravchuk seguntes un guión orichinal de Zoya Kudrya y Vladimir Valutsky (basau en a vida de l'almirant Alexander Kolchak), con una banda sonora orichinal de Gleb Matveychuk y Ruslan Muratov, una dirección de fotografía d'Igor Grinyakin y Aleksei Rodionov y una producción cinematografica de Dzhanik Fayziev, Anatoliy Maksimov y Dmitry Yurkov ta las productoras Film Direction y Dago Productions. Conta con un elenco d'o cual en fan parte, entre d'atros, os actors Konstantin Khabensky, Sergey Bezrukov, Vladislav Vetrov, Elizaveta Boyarskaya, Anna Kovalchuk, Egor Beroev, Richard Bohringer, Viktor Verzhbitsky, Nikolai Burlyayev, Fyodor Bondarchuk y Olga Ostroumova.
A cinta conta la historia de l'almirant Alexander Kolchak d'a Marina Imperial Rusa dende los suyos primers tiempos dica la suya execución en Irkutsk en 1920 a traviés parcialment d'os uellos d'a suya amant Anna Timiryova. En a cinta, Anna se presenta ta treballar como extra en una cinta, Voyna i mir, y la contractan sin saber qui ye, y la suya presencia se fa servir como excusa ta que ella rememore la vida de l'almirant, con prou presencia d'o trianglo amororo en que Anna partecipa.
Admiral s'ambienta en Rusia y en mar Baltica en o anyos 1916, 1917, 1918, 1919 y 1920 mientres a Primera Guerra Mundial, a Revolución rusa de 1917 y la Guerra Civil Rusa. As escenas d'a cinta se filmoron en Irkutsk, Moscú, Omsk y Sant Petersburgo en Rusia y en Sevastopol, con soberanía discutida actualment entre Rusia y Ucraína.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ (en) Enguero d'Admiral en Internet Movie Database.
- ↑ (en) Localizacions d'Admiral en Internet Movie Database.
- ↑ (en) Admiral en Internet Movie Database.
Vinclos externos
editar- (en) Admiral en Internet Movie Database.
- (en) Admiral en TCM Movie Database.
- (en) Admiral en Rotten Tomatoes.
- (en) Admiral en Letterboxd.
- (es) Admiral en FilmAffinity.
- (fr) Admiral en Allociné.
- (en) Admiral en AllMovie.
Datos: Q358985
