23 Paces to Baker Street
23 Paces to Baker Street (títol orichinal en anglés, en aragonés 23 pasos dica Baker Street, enguerada en Aragón con o títol de A 23 pasos de Baker Street) ye una cinta de cine estausunidense de l'anyo 1956 de cine d'intriga policiaca dirichida por Henry Hathaway seguntes un guión adaptau por Nigel Balchin (basau en The Nursemaid Who Disappeared, una novela publicada l'anyo 1938 por Philip MacDonald), con una dirección de fotografía de Milton R. Krasner, una producción cinematografica de Henry Ephron ta la productora cinematografica 20th Century Fox, una banda sonora orichinal de Leigh Harline y un elenco que se composa en os suyos papels principals por Van Johnson, Vera Miles, Cecil Parker, Patricia Laffan, Maurice Denham, Isobel Elsom, Estelle Winwood, Liam Redmond, Martin Benson, Natalie Norwick y Terence De Marney, entre d'atros actors.
Philip Hannon ye un escritor que ha perdiu a vista y vive en Londres, amargau por no poder goyar d'as magnificas anvistas que poseye lo suyo piso sobre lo río Tamisa. Cuan amenista sentir-se millor, marcha enta un bar frent d'o suyo edificio de viviendas. Bel día en o bar puet escuitar accidentalment una conversación entre un hombre y una muller a on l'hombre parixe presinar a la muller ta que ista en faga una gorda, un crimen. Comunica ixo a un inspector de policía, Grovening, qui no li fa ficaz. Philip decide d'investigar a ixués, con l'aduya d'o suyo mayordomo y de Jean, a suya antiga promesa a qui heba dixau cuan perdió la vista y que contina enamorada d'él.
23 Paces to Baker Street s'ambienta en a epoca actual d'a cinta (1956) en a ciudat de Londres en o Reino Uniu y las suyas escenas se filmoron en cuantas localizacions en ixa mesma ciudat.[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar
Se veigan as imáchens de Commons sobre 23 Paces to Baker Street.- (en) 23 Paces to Baker Street en Internet Movie Database.
- (en) 23 Paces to Baker Street en AllMovie.
- (en) 23 Paces to Baker Street en TCM Movie Database.
- (en) 23 Paces to Baker Street en l'American Film Institute Catalog de l'American Film Institute.
- (en) 23 Paces to Baker Street en Letterboxd.
- (es) 23 Paces to Baker Street en FilmAffinity.
- (fr) 23 Paces to Baker Street en Allociné.
Datos: Q3576935- Multimedia: 23 Paces to Baker Street / Q3576935
