Ángel Dolado Pérez
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ángel Dolado Pérez | |
|---|---|
.jpg)
| |
| 19 d'abril de 2018 – 2023 | |
| Precediu por | Fernando García Vicente |
| Succediu por | Concepción Gimeno Gracia |
| Naiximiento | 1962 Soria (Castiella y Leyón)
|
| Alma Máter | Universidat de Zaragoza |
Ángel Dolado Pérez (Soria, 1962) ye chuez y estió l'actual Chusticia d'Aragón dende 2018 dica 2024.
Naxiu de Soria encara que a los tres anyos a suya familia se tresladó enta Zaragoza. Ye Licenciau en Dreito por a Universidat de Zaragoza y en 1990 aprebó as oposicions a secretaire chudicial, fiscal y chuez. Dimpués d'eixercer como chuez en Reus, Tarragona y Leida s'incorporó en 1998 a os chuzgaus de Zaragoza. En 2008 fue trigau como chuez degán de Zaragoza, tornando a estar trigau en 2012 por unanimidat, dica 2016.[1]
Tamién ha estau president d'o Foro Chudicial Independient dica 2013, ha recibiu entre atras, a Medalla a o Merito Social Penitenciario, a d'o Merito d'a Policía Local de Zaragoza, Procurador d'Honor d'o Colechio de Zaragoza y a Medalla a o Merito en o Servicio a l'Advogacía, a primera que ha atorgau o Consello Cheneral de l'Advogacía Espanyola a un chuez.[2]
O 19 d'abril de 2018 as Corz d'Aragón le designoron a propuesta de Chunta Aragonesista, con 46 votos a favor y 20 abstencions, como Chusticia d'Aragón, substituyindo a Fernando García Vicente, dimpués de 20 anyadas debant d'o Chusticiazgo, cuatre d'éls en funcions por manca de consenso politico ta trigar a un substituto. Dolado prometió o cargo establindo nueu retos:
- Esfensa d'os menors.
- Fomento d'os alcuerdos en educación y en sanidat.
- Luita contra a despoblación.
- Esfensa de l'aragonesismo.
- Potenciación d'o principio de transparencia.
- Mediación y difusión d'o Dreito civil d'Aragón.
- Reestructuración d'o personal d'o Chusticiazgo y optimización d'os medios propios.
- Colaboración con o teixiu social.
Referencias
editar- ↑ (es) Ángel Dolado toma posesión como degán de los jueces de Zaragoza. El Periódico de Aragón. 2 d'aviento de 2008
- ↑ (es) Los abogados premian al juez degán Ángel Dolado. Heraldo de Aragón. 19 de chinero de 2013
| Predecesor: Fernando García Vicente |
Chusticia d'Aragón 2018 - 2023 |
Succesor: Concepción Gimeno Gracia |