Wikipedia:Politicas/Politica sobre articlos de sers vivos en Biquipedia

Green check.svg

Ista pachina describe una politica oficial de Wikipedia en aragonés.

Ha estau elaborada por a comunidat y o suyo cumplimiento ye obligatorio ta totz os editors. Puetz editar-la pa amillorar a suya redacción y formato, pero si deseyas cambear a politica, caldrá consensuar-lo con a resta d'a comunidat.

Politica sobre articlos de sers vivosEditar

  1. Os nombres d'especies y taxons habrán d'inscribir-se, como dentradas ("títol"), con o nombre scientifico. Os diferents nombres vernaclos que reciban en aragonés s'habran de reendrezar ta l'articlo, de forma que sia posible trobar-lo tanto quan se meta o nombre scientifico en a barra de busca como quan se i meta qualsiquier forma documentada de nombre popular. Con isto se mira ta tener una forma estandarizata ta totz os organismos, que facilitará la busca, y a la vegada fa que un nombre popular no prenga una preponderancia visual sobre unatro. Ta obtener os posibles nombres vernaclos con que se conoix a l'organismo d'o qual parla l'articlo, se recomienda d'emplegar bella obra a on que sistematicament s'haiga recullito iste campo d'o vocabulario aragonés de forma extensiva, como puede estar o «Libro de As matas y Os Animals» de Rafel Vidaller, sin perchuicio de que s'accepte tamién como formas documentadas as que amaneixcan puntualment en glosarios y vocabularios locals y cheneralistas.
  2. Se podrá fer excepcions a ista norma, o que quiere dicir introducir as dentradas con o nombre vernaclo en aragonés, en os siguients casos:
    1. Quan o bionimo (nombre de ser vivo) designe un estereotipo d'animal, planta u organismo en cheneral que no se pueda adchudicar a garra especie, subespecie, chenero ni garra atro taxon u clado especifico en a hierarquía de clasificación scientifica. Eixemplo: L'articlo Liebre tiene una razón ta existir en Biquipedia; En Aragón i existe dos especies que popularment se diz «liebres», Lepus europaeus y Lepus granatensis, que responden a una serie de caracteristicas morfolochicas que son o que qualsiquier presona, sin necesidat de conoiximientos scientificos, identifica como «liebre». Por ixo, no tendría guaire sentiu cara ta'l lector que o feito d'introducir "liebre" en a barra de busca le lievás ta un u ta l'atro articlo. Dimpués, tampoco no puede asignar-se a parola «liebre» a o chenero Lepus, a on que se troba clasificatas totas dos especies, simplament porque tamién puet emplegar-se a parola liebre ta designar a belatros mamiferos lagomorfos que no fan parte d'ixe chenero, como as especies d'os cheneros Pronolagus y Caprolagus (d'Africa y Asia, respectivament), y que comparten con Lepus a mayoría d'as suyas caracteristicas morfolochicas exteriors, o que induce a una presona sin conoiximientos zoolochicos a aplicar-les a denominación de liebres de forma indistinta. Tampoco no puede asignar-se a denominación «liebre» a'l ran inmediatament superior a o chenero Lepus, a familia Leporidae, porque ista incluye belatras especies (como os conillos) que simplament no reciben o nombre de liebres. A solución mas practica, en iste caso, ye fer un articlo «Liebre» a on que se reculla a información chenerica sobre as caracteristicas que determinan que a un animal se le diga, popularment, por ixe nombre.
    2. Quan o bionimo designa a una forma concreta d'una especie u una colla d'especies. Por eixemplo, articlos especificos sobre crias u formas chuvenils de qualques grupos d'organismos (vetiello, cordero, ranueco), fruitos (glan, serba) u flors (rosa, camelia) de qualques especies, que son articlos que contendrán información especifica sobre ixes obchectos y que, por ixo, tienen sentiu como articlos deseparaus de l'articlo prencipal de a suya especie (que estaría p. ex. a «vetiello», Bos taurus).
  3. Si un nombre popular identifica de forma inequivoca a una especie, alavetz reendrezará ta l'articlo que tendrá por dentrada o nombre scientifico d'ixa especie.
  4. Si existe mas d'un nombre vernaclo, se triará o mas freqüent y/o cheograficament distribuito por o dominio lingüistico aragonés ta figurar en o encabezamiento. Si en i ha dos u mas que cumplan a condición d'estar prou freqüents u cheograficament distribuitos, se meteran tamién; a resta de nombres u variants locals se recomienda que s'incluyan en una alpartato dintro d'o cuerpo de l'articlo, con titol "Nombres" u "Zoonimia", en o que s'explicará de forma mas u menos adetallata l'ámbito d'uso de cada forma. Ta ista fayena son especialment utils obras de referencia como o Libro de As Matas y Os Animals de R. Vidaller, y se recomienda usar-los y referenciar-los correctament.

ComentariosEditar

Lo veigo prou bien, encara que o punto 3, talment regule masiau. Yo sacaría ixo de que si son tres u mas... A ideya ye de no meter localismos en o encabezamiento, pero si fuese o caso que i hese tres nombres extendius, no veigo problema en que se metan totz 3. Yo substituiría ixe paragrafo bella cosa como:

Si existe mas d'un nombre vernaclo, se triará o mas freqüent y/o cheograficament distribuito por o dominio lingüistico aragonés ta figurar en o encabezamiento. Si en i ha dos u mas que cumplan a condición d'estar prou freqüents u cheograficament distribuitos, se meteran tamién; a resta de nombres u variants locals se recomienda que s'incluyan en una alpartato dintro d'o cuerpo de l'articlo, con titol "Nombres" u "Zoonimia", en o que s'explicará de forma mas u menos adetallata l'ámbito d'uso de cada forma. Ta ista fayena son especialment utils obras de referencia como o Libro de As Matas y Os Animals de R. Vidaller, y se recomienda usar-los y referenciar-los correctament..

Puet estar que sí, ye un tema quasi a mirar caso por caso.... --Manuel Trujillo Berges 10:50 2 oct 2011 (UTC)
Tenetz razón, puede estar masiau coplexo. Substituigo a redacción por ista. --Lascorz ~  ~  ('kjez'rez?) 02:20 27 avi 2011 (UTC)

VotaciónEditar

A favorEditar

  1. --EBRO 20:55 17 set 2011 (UTC)
  2. --Manuel Trujillo Berges 12:49 20 set 2011 (UTC)
  3. --Juan Pablo 23:32 1 oct 2011 (UTC) Voto que sí a la politica, encara que proposo una esmienda que se vei en a sección de comentarios.
  4. --Lascorz ~  ~  ('kjez'rez?) 02:21 27 avi 2011 (UTC)

En contraEditar

NeutralEditar

  Aprebau por 4 votos a favor y 0 votos en contra