When Time Ran Out...
When Time Ran Out... (títol orichinal en anglés, en aragonés Cuan remató lo tiempo..., enguerada en Aragón con o títol en castellano d'El día del fin del mundo, en aragonés O día d'a fin d'o mundo) ye una cinta de cine de desastres de cine estausunidense de l'anyo 1980 dirichida por James Goldstone seguntes un guión adaptau por Carl Foreman y Stirling Silliphant (basau en The Day the World Ended, una novela de Gordon Thomas), con una banda sonora orichinal de Lalo Schifrin, una dirección de fotografía de Fred J. Koenekamp, una producción cinematografica d'Irwin Allen ta la productora cinematografica International Cinema y un elenco que se composa de Paul Newman, Jacqueline Bisset, William Holden, Edward Albert, Red Buttons, Barbara Carrera, Valentina Cortese, Veronica Hamel, Alex Karras, Burgess Meredith, Ernest Borgnine, James Franciscus, John Considine, Sheila Allen, Pat Morita, Lonny Chapman y Sandy Kenyon, entre d'atros actors.
En una chicota isla en l'oceano Pacifico Shelby Gilmore ha construyiu un hotel y li proposa de fer voda a Kay Kirby,pero ista ye enamorada de Hank Anderson, un experto constructor de pozos de petrolio. Cuan son construyindo un pozo en a isla, troban petrolio pero bella cosa fa sospeitar a Hank que bi ha bel periglo. Tanimientres Bob Spangler,, o socio de Shelby, creye que no existe garra menaza. Ni cuan o volcán d'a isla dentra en erupción creye que bi ha periglo, encara que en o primer momento ya han muerto bellas personas que se trobaban relativament amán d'a caldera volcanica. En veyendo que la lava d'o volcán marcha directa enta l'hotel, lentament pero inexorable, Hank organiza la marcha d'os huespedes de l'hotel, pero como Bob insiste en que no bi ha periglo, bien poquez d'éls deciden marchar d'un hotel que creyen que ye seguro.
A cinta s'ambienta en a suya epoca actual (1980) en bel puesto d'Oceanía, y las suyas escenas se filmoron en Hawaii y en Ventura en California, amás d'en os Warner Brothers Burbank Studios en Burbank, tamién en California.[2]
Ye una cinta que ha recibiu bels premios y nominacions, en destacando una nominación a los Premios Oscar (Millor Disenyo de Vestuario) en a suya 53ena edición.
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q1197274
