Vin de Porto
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Vin de Porto | ||
|---|---|---|
 Vin de Porto | ||
| Cocina: | Gastronomía portuguesa | |
| Orichen: |  Porto, Portugal
| |
| Se bebe en: | Portugal | |
| Categoría: | Vin | |
| Ugas: | Tinta Roriz, Tinta Barroca, Touriga, Tinta Cāo, Malvasía Dourada, Malvasía Fina, Gouveio y Rabigato. | |
| Variedatz: | Full, red, ruby, tawny y light - tawny | |
| Vin de Madeira | ||
O vin de Porto (en portugués vinho do Porto), tamién conoixito simplament como porto (u port en anglés), pertenixe a o chenero de vins conoixito como vins fortificatos. Istos vins naixioron en os sieglos XVI y XVII, como producto de l'adición de brandy a o vin cuan ye en proceso de fermentación. D'ista traza se consigue a estabilización d'o vin, logrando un vino que resistiba as variants temperaturas y humedaz d'o largo trachecto maritimo que o comercio d'a epoca imposaba.
Historia
editar
O vin de Porto se produce en os vinyals d'a Rechión viticola de l'Alto Duero, en Portugal. Antis d'o sieglo XVII, ista rechión yera ya conoixita por os suyos vinos, tintos y blancos, encara que yeran poco consumitos difuera de Portugal. En 1678, Anglaterra y Francia dentran en guerra, ocasionando escaseza de vin en o reino britanico. Ta fer frent a la escaseza, Anglaterra recurrió a os vins de Portugal, aliato suyo dende feba tres sieglos. O vin d'a val d'o Douro prencipió a fer-se popular en Gran Bretanya, mas que mas por a suya ubicuidat en tiempos a on o vin francés yera escaso u inexistente. Una versión sobre l'orichen d'o vin de Porto como se conoixe actualment, dice que en 1678, comerciants de Liverpool adoptoron una tecnica emplegata en un monesterio en Lamego ta modificar o vin. Ista tecnica consiste en adhibir brandy a o vin mientres a fermentación, interrumpindo asinas dito proceso. O resultato ye un vin con mas contenito d'alcohol (dica 25 °G.L.), y con sabor mas dulce, debito a o zucre remanent que no remató de fermentar-se.
O exito d'iste tipo de vin en Gran Bretanya, levo a estableiximiento de cuantas casas vinicolas en Portugal, d'orichen britanico. En o sieglo XVIII, bi heba ya un monopolio britanico de facto sobre a producción de porto. Iste monopolio duró dica a fundación d'a Companhia Velha, que marcó o ingreso d'os portugueses en a producción y comercialización d'iste vin.
Tipos de vin
editarOs portos se caracterizan por a suya gran intensidat aromatica, a presencia de l'alcohol, a suya dulzura y a tanicidat en belunas d'as suyas categorías.
O Porto tinto se fa a partir d'ugas Tinta Roriz, Tinta Barroca, Touriga y Tinta Cāo. O porto blanco s'obtiene d'as ugas Malvasía Dourada, Malvasía Fina, Gouveio y Rabigato.
Tipos de vino de Porto tinto
editar
- Retinto (full) – vin nuevo, con cuerpo, con acentuato sabor a fruito.
- Tinto (red) – vin encara nuevo, colors royencas, vinoso, sabor y cuerpo parellanos a o full.
- Tinto dorado (ruby) – vin con (8 a 10) ueito a diez anyos fendo-se viello, a suya color ye rubí.
- Dorato (tawny) - vin con (15 a 20) quince a vente anyos fendo-se viello, dorato, con tons amariellos, ya plen de cualidaz, de lote y refrescato con atros vins mas chóvens ta dar-le frescura.
- Dorato claro (light - tawny) – vin de gran categoría, en a zaguera fase de fer-se viello, tenendo ya o punto mas alto d'as suyas cualidaz. Manimenos ye un producto que cal cuidar, se floreixe si no es refrescato con vins mas chóvens que permitan a suya existencia indefinita.
Dentro d'istas categorías o vin puet estar muit dulce, dulce, semi-xuto, u extra-xuto. A dulzura d'o vin constituye una opción d'o fabricant, condicionata por l'inte en que s'interrumpe a fermentación.
O vin de porto se puet tomar en copas tipo porto u tipo licor en as cantidaz por dosis de 2 onzas, os diferents tipos Vintage, Ruby, Tawny u 10, 20 dica 40 anyos, como aperitivos u como dichestivos asinas como ta acompanyar postres como quesos fuertes. S'han de disfrutar a temperatura ambient y nunca fer-los enfriar, encara cuan a temperatura ye alta.
Se veiga tamién
editarVinclos externos
editar
Se veigan as imáchens de Commons sobre o vin de Porto.- (pt) Instituto dos Vinhos do Douro e Porto
