A mida oficial d'una vara aragonesa, que tamién se diz vara chaquesa, ye repicada en a portalada d'a Seu de Chaca.

A vara aragonesa u vara chaquesa ye una unidat de mesura tradicional pa lonchitutz propia d'o Reino d'Aragón, emparentada con atras varas d'atros reinos medievals, como a vara castellana, a valenciana, a portuguesa u a verge francesa.

En o Sistema Internacional d'Unidatz vale igual que 0,772 metros,[1] ixo ye 77,2 centimetros. A vara se subdividiba en dos codos aragoneses de 0.384 metros, en 3 «tercias» u pietz, u en 4 palmos de 0,193 metros. Multiplos de la vara yeran a cana, que mediba dos varas,[2] y a legua, que yera igual que 8000 varas.[3]

Como mida pa superficies se podeba emplegar a vara quadrada, que yera equivalent a 0,595984 metros quadraus actuals.[1] En Teruel yera una miquina más chica, y a vara quadrada valeba 0,589824 m2.[1] Lo mesmo pasaba con a vara cubica, que de normal valeba 0,460099648 m3 en Uesca y Zaragoza, pero en Teruel valeba 0,45294832 m3 namás.[1]

ReferenciasEditar

  1. 1,0 1,1 1,2 1,3 (es) "Vara" en a GEA; consultada l'11 d'octubre de 2019.
  2. (es) "Cana" en a GEA; consultada l'11 d'octubre de 2019.
  3. Romero García, R.E.: Breve compendio de las antiguas medidas utilizadas en las diferentes provincias y regiones españolas. Técnica Industrial 254, setiembre 2004.


 
Unidatz de mesura aragonesas
 
Longaria: Legua - Vara - Codo - Piet - Palmo - Fulco
Masa: Carga - Quintal - Arroba - Quarterón - Almut - Libra - Onza - Arienzo
Cabida (liquidos): Arrobeta - Nietro - Cantaro - Charro
Cabida (aridos) y superficie: Cafiz - Fanega - Quartal - Almut