Pa atros usos de tranca, se veiga Tranca (desambigación).
Una tranca y tranquils en una puerta.

A tranca ye una pieza de madera tallada y de prou largura pa entrascar-se a canto y canto d'una puerta, ya sía contra la paret con foratos (as tranqueras) u en bell suporte que se diz tranquil, pa que no se pueda ubrir. Una puerta que tiene mesa la tranca se diz que ye «trancada», y d'aquí viene o verbo «trancar» que tamién ye zarrar con clau.

A variant tranga ye un caso de sonorización de consonant xorda dezaga de consonant liquida y se documenta, por eixemplo, en aragonés belsetán[1] y chistabín.[2] En Tella se diz «trangazo»[3] por cuentas de «trancazo» a o golpe propinau con un tocho de madera.

ExpresionsEditar

  • A puerta trancada, o diablo se'n torna: refrán que aconsella no parlar mal de denguno sin saber (Sobrarbe).

ReferenciasEditar

  1. (es) BADIA i MARGARIT, Antoni. El Habla del Valle de Bielsa. Aladrada ediciones. Zaragoza, 2015. ISBN 978-84-942470-8-8
  2. (es) MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5
  3. (es) LOZANO SIERRA, Chabier, Aspectos Lingüísticos de Tella. Aragonés de Sobrarbe (Huesca); Institución «Fernando el Católico» + Prensas Universitarias de Zaragoza + Gara d'Edizions. Zaragoza, 2010. ISBN 978-84-8094-062-7

Se veiga tamiénEditar