Torda

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tordo reendreza enta ista pachina. Pa la tonalidat de color de diferents animals domesticos, como p. ex. os caballos, se veiga Tordo (pelache).

Una torda u tordo (d'o latín <TURDUS) ye o nombre coloquial como se conoix en aragonés a diferents aus paseriformes (paixaros) comuns de mida mediana y colors pardas u marrons, poco vistables, a-saber-lo asociadas con os medios forestals, que habitan en selvas, bardas y sotos. Son paixaros omnivoros, d'entre 20 y 30 cm de largaria aproximada, que consumen gran cantidat d'insectos, cucos y atros invertebraus.

Una torda d'a especie Turdus philomelos.

Notablement, a denominación «torda» s'asocia con as especies con colors menos caracteristicos en o chenero Turdus, anque eventualment puede sentir-se pa nombrar atros paixaros de colors discretas, como a calandria, que fuera de l'aparienza tienen poco en común con os Turdus dende o punto d'envista zoolochico. Amás, determinadas especies d'o propio chenero Turdus, por tener colors mas significativas, reciben en aragonés nombres diferenciaus, como a merla y o charro.

En aragonés s'emplega mas a forma femenina, «torda», que en atras lenguas vicinas. Manimenos tamién existe y s'emplega o masculino «tordo» como en as de demás.

Mazadas

• Si chilan as tordas, agua hasta as corvas.

Se veiga tamién

• Turdus.
  • Charro (torda).
  • Merla.
• Calandria.
• Torda d'augua.

Referencias

• Datos: Q65396220