To Catch a Thief
- Iste articlo ye sobre una cinta de cine estausunidense de cine d'intriga de 1955; ta atros usos, se veiga To Catch a Thief (desambigación).
To Catch a Thief (títol orichinal en anglés, en aragonés Atrapar a un ladrón, enguerada en Aragón con o títol en castellano d'Atrapa a un ladrón, igual en aragonés) ye una cinta de cine estausunidense d'intriga romantica de l'anyo 1955 dirichida por Alfred Hitchcock seguntes un guión adaptau por John Michael Hayes (basau en a novela To Catch a Thief, publicada por David Dodge en 1952), con una dirección de fotografía de Robert Burks, una banda sonora orichinal de Lyn Murrayy una producción cinematografica d'o mesmo Alfred Hitchcock ta la productora cinematografica Paramount Pictures y que conta con un elenco formau (en os suyos papels principals) por os actors Cary Grant, Grace Kelly, Jessie Royce Landis, John Williams, Charles Vanel, Brigitte Auber, Jean Martinelli, Georgette Anys, René Blancard y Paul Newlan.
En a cinta se conta cómo John Robie, alias O Gato, un antigo ladrón, que s'heba redimiu con a suya banda en colaborar con a Resistencia francesa mientres a Segunda Guerra Mundial, se troba acusau de tornar a la suya antiga vida de ladrón y comprometer a toz os suyos antigos cortons agora reinsertaus en cometer-se bels robos con as caracteristicas propias d'as suyas antigas malfeitas; ta descubrir a lo verdadero ladrón contará con la enemistat d'os suyos antigos complices y con l'aduya d'a filla d'una cabalera propietaria estausunidense, encara que en primeras ista creye que sí que en ye, l'autor d'os robos. A cinta s'ambienta en a suya epoca actual (1955) en Mónegue y en a Costa Azul francesa y las suyas escenas se filmoron en Mónegue, en cuantas localidaz d'os Alpes Maritimos (incluyindo-ie Canas y Niza), en os Paramount Studios en Los Angeles (Estaus Unius) y en os Studios de Saint-Maurice en Val d'o Marne en Francia.[2] Se tracta d'una cinta con bels premios y nominacions, en destacando un Premio Oscar a la Millor Fotografía y atras dos nominacions en a suya 28ena edición.
En partecipar en a filmación d'ista cinta, l'actriz Grace Kelly conoixió a Rainiero III, prencipe de Mónegue, en acudir l'actriz en o palacio d'o prencipe ta fer-se unas fotografías ta la revista París Match,[3] con qui casó lo 18 de chulio de 1956 en voda civil[4] y lo 19 de chulio en a ceremonia relichiosa.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero de To Catch a Thief en Internet Movie Database.
- ↑ (en) Localizacions de To Catch a Thief en Internet Movie Database.
- ↑ (es) Begoña Alonso: "Atrapa a un ladrón": la película que cambió la vida de Grace Kelly, en Amazon Prime Video, en Elle, 13 de mayo de 2020.
- ↑ (es) Susana Ceballos: La boda de Grace Kelly y Rainiero: una mentira piadosa, un vestido inolvidable y el detalle que presagiaba lágrimas, en Infobae, 19 d'abril de 2022.
- ↑ (en) To Catch a Thief en Internet Movie Database.
Vinclos externos
editar
Se veigan as imáchens de Commons sobre To Catch a Thief.- (en) To Catch a Thief en Internet Movie Database.
- (en) To Catch a Thief en AllMovie.
- (en) To Catch a Thief en TCM Movie Database.
- (en) To Catch a Thief en l'American Film Institute Catalog de l'American Film Institute.
- (en) To Catch a Thief en Rotten Tomatoes.
- (en) To Catch a Thief en Metacritic.
- (es) To Catch a Thief en FilmAffinity.
- (fr) To Catch a Thief en Allociné.
- (en) To Catch a Thief en Letterboxd.
- (en) To Catch a Thief en Netflix.
Datos: Q331017- Multimedia: To Catch a Thief (film) / Q331017
