Estixeras

(Reendrezau dende Tiseras)

As estixeras[1], estiseras[2] u tiseras[3] (d'o latín < (FORFICES) TONSORIAS[4]) son una ferramienta de tallo emplegata en muitos ambitos de l'actividat humana. Consta de dos fuellas metalicas, afilatas por o costato interior, que rematan en un vueito a on se pueden ficar os didos, y articulatas en un eixe por os suyos estremos.

Diferents tipos d'estixeras

Entre os tipos d'estixeras se poderban destacar: estixeras de chardinería, tamién ditas de podar, de cocina, de peluquería, de papel, d'electrecista, ecetra.

Ye important meter ficacio quan manipulan ya que podemos fer-nos mal, más que más en os didos u en as mans. O mecanismo d'as estixeras actua como una falca.

O primer modelo apareixió en l'anyo 500 aC, encara que o suyo actual disenyo procede d'o sieglo XV. En aragonés medieval bi ha referencias a tiseras en os peaches de localidatz como Puent de Luna:[5]

de tiseras, ganivetes, çapatos dorados, paga el trenteno.

ReferenciasEditar

  1. (es) Brian Mott El habla de Gistaín, Instituto de Estudios Altoaragoneses, 1989, ISBN 84-86856-15-9, p.121
  2. (es) J.A. Saura, Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). pp 132-133
  3. (es) Manuel Alvar: Repertorio ansotano: encuestas de 1950 Archivo de filología aragonesa, ISSN 0210-5624, Vol. 22-23, 1978, pp. 21-50
  4. (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de filología Nº 15, 2003, pp. 65-151, ISSN 0214-7602
  5. (an) Teresa Iranzo Munío: ACTA CURIARUM REGNI ARAGONUM Tomo IX Vol 2º. Cortes del reinado de Alfonso V. Cortes de Alcañiz 1436. Gobierno de Aragón, 2007. p 735

Vinclos externosEditar