Chardinería
A chardineria ye un arte aplicata a emplegar os elementos vechetals y constructivos en un chardín ta dar a l'usuario una sensación estetica.
Como arte aplicata que ye ha menester tamién d'emplegar unas tecnicas especials que en o caso d'a chardinería son as perteneixients prencipalment a l'agricultura y l'arquitectura. Como a finalidat ye la d'obtener sensacions esteticas aplica muitas d'as tecnicas d'as ditas tradicionalment Artes Politas.
A diferencia d'atras artes, por tratar-se de sers vivos, os planificadors han de parar cuenta como afectará o paso d'o tiempo en o creiximiento d'as especies y precurar por meyo d'accions a largo plazo que sobrevivan y mantiengan as suyas caracteristicas.