The Sons of Katie Elder
The Sons of Katie Elder (títol orichinal en anglés, en aragonés Os fillos de Katie Elder, enguerada en Aragón con o títol en castellano de Los cuatro hijos de Katie Elder, en aragonés Os cuatre fillos de Katie Elder) ye una cinta de cine estausunidense de cine de western enguerada l'anyo 1965, dirichida por Henry Hathaway seguntes un guión adaptau por William H. Wright, Allan Weiss y Harry Essex (basau en una historia de Talbot Jennings), con una banda sonora orichinal d'Elmer Bernstein, una dirección de fotografía de Lucien Ballard y una producción cinematografica de Paul Nathan y Hal B. Wallis ta la productora cinematografica Wallis-Hazen. Conta con un elenco d'o cual en fan parte, entre d'atros actors, John Wayne, Dean Martin, Martha Hyer, Michael Anderson Jr., Earl Holliman, Jeremy Slate, James Gregory, Paul Fix, George Kennedy, Dennis Hopper, Sheldon Allman, John Litel, John Doucette, James Westerfield, Rhys Williams, John Qualen, Rodolfo Acosta, Strother Martin, Percy Helton y Karl Swenson.
En 1898, en haber muerto Katie Elder, sus cuatre fillos plegan en a ciudat de Clearwater en Texas ta lo suyo funeral. Son John, un conoixiu pistolero profesional, Tom, un chugador profesional, Matt, un botiguero no masiau afortunau, y Bud, lo mas chicot, que ye estudiando lo suyo primer anyo en minería. Encara que Katie yera muit respectada en a comunidat, ni lo "sheriff" ni los habitants d'a ciudat amuestran muita simpatía por os suyos fillos, y mas que mas s'escabuchan de John y de Matt. Ta honrar a su mai, en primeras piensan en fer-li una lapida de marbre, pero finalment deciden continar pagando los suyos estudios a lo fillo menos, Bud, encara que iste, que nomás siente que admiración por John, o chirmán mayor, nomás quiere que emular-lo y estar un pistolero como él. Troban amás que Morgan Hastings, un cabalero propietario d'o lugar, lis reclama la propiedat d'o rancho, decindo que l'heba ganau a lo pai, Bass Elder, chugando a las cartas, la mesma nueit en que l'asasinoron d'un disparo por a espalda. Como los fillos sospeitan, Hastings contracta a un pistolero, Curley. Bien luego un ganadero d'o lugar accepta vender-les uns caballos y, mientres que son fuera, lo "sheriff" interroga a Hastings, qui lo mata, en culpando d'o crimen a los cuatre Elder. Cuan istos tornan de vender os caballos, una partida los ataca, arrestando a los tres chirmanos, a qui quieren linchar, encara que lo chuez decide protecher-los y levar-los a Laredo ta chuzgar-los-ie. Tanimientres, Hastings organiza un ataque a lo grupo en connivencia con os vichilants y en l'ataque muere Matt, pero John consigue matar a Curley y marchan de nuevo enta la ciudat, atrincherando-se en a ferrería y explicando a lo chuez que, en cometer-se lo crimen, éls yeran a muita distancia d'o lugar.
A cinta s'ambienta en 1898 en a localidat de Clearwater en Texas, y las suyas escenas se filmoron en Durango en Colorado, en Hereford en Arizona en Estaus Unius y en Álamos, Navojoa y cuantas atras localizacions en Sonora y en cuantas localizacions en o estau de Durango en Mexico, amás d'en os Estudios Churubusco en Ciudat de Mexico y en os Paramount Studios en Los Angeles en Estaus Unius.[2]
Ye una cinta que ha recibiu bel premio cinematografico, encara que no se tracta de garra premio d'os mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q1219814
Multimedia: The Sons of Katie Elder / Q1219814
]