Botiguero

Un botiguero, vendedero u vendero (u botiguera, vendedera u vendera si ye muller, tamién existe a variant botiguer) ye un minorista u comerciant; aquel que poseye u chestiona una chicota botiga. Por un regular, os emplegaus d'una botiga no son botiguers, pero a sobén se les diz incorrectament asinas. En as empresas mas grans, o botiguero gosa decir-se cherent, ya que o propietario no puet chestionar o negocio estando nomás un botiguero, por lo que iste termín podría aplicar-se a las empresas mas grans en general.

Una botiguera en a suya botiga

Descripción

Os botiguers pueden chestionar a suya propia botiga de barrio independient u dirichir una botiga franquiciada en nombre d'una cadena minorista. A diferencia d'os directors de botiga, que gosan treballar pa una gran empresa, os botiguers gosan estar os responsables chenerals d'una botiga. Entre os botiguers independients se troban (pero no nomás) os encargaus de botiguetas, quioscos de prensa, os carnicers, os panaders, os librers, os floristas y os anticuarios.

Un botiguero puet atender a os clients en un mostrador y fer atras funcions, como cobrar o pagos d'os clients, dar o cambeo, aduyar a os clients y embolicar os regalos y as crompas. A mayor parti d'o tiempo, os botiguers responden a las consultas d'os clients, les aconsellan sobre os productos y ascuitan as suyas necesidaz y peticions, que pueden endicar nuevas oportunidaz de venda. Tamién calculan a recaudación diaria, paran os salarios, ingresan os diners en o banco, levan a contabilidat y fan o inventario pa asegurar-se de que as existencias son disponibles siempre.

Un botiguero tamién fa pedius d'existencias a mayoristas, fabricants, achents y importadors.

See also

• Se veigan as imáchens de Commons sobre botiguers.
• Botiga

Notes

• Datos: Q7501153
• Multimedia: Shopkeepers / Q7501153