The Rocks
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
The Rocks ye un barrio y aria turistica y historica d'o centro d'a ciudat de Sydney, en o estau de Nueva Galas d'o Sud, Australia. Ye localizau en o canto sud d'a badía de Sydney, chusto a o norueste d'o districto d'afers cental de Sydney. A zona y os suyos arredols son administraus independentment de l'aria de gubierno local d'a Ciudat de Sydney.
| The Rocks | |
| Barrio de Sydney | |
 Carrera en The Rocks | |
| Entidat • País • Ciudat • Aria de gub. local • Parroquia |
Barrio AustraliaSydney Ciudat de Sydney St. Philip |
| Superficie • Total |
0.2 |
| Población • Total (2016) |
774 hab. |
| Codigo postal | 2000 |
  Situación de The Rocks en o centro de Sydney | |
The Rocks muga con Bradfield Highway, conectando por o puent d'a badía de Sydney con os barrios de Dawes Point y Millers Point, a l'ueste. Ye inmediatament adchacent a Circular Quay en Sydney Cove, o puesto a on se trobaba o primer asentamiento europeu d'Australia en 1788.
Cultura editar
A proximidat a Circular Quay y as vistas d'o iconico puent d'a badía de Sydney, asinas como a naturaleza historica de muitos d'os suyos edificios, fan de The Rocks un puesto muit popular entre os turistas. Se i puede trobar una gran variedat de botigas de souvenirs y artesanía, asinas como muitos pubs tematicos y historicos. O mercau de The Rocks s'instala aqui cada cabo de semana, con alto u baixo 100 puestos. Entre semana, as opcions de compra incluyen galerías d'artistas australianos, como Ken Done y Ken Duncan, asinas como as botigas de ropa y opalo australianos. Bi ha a-saber-los itinerarios en a zona que recorren edificios historicos como Cadmans Cottage, l'Observatorio de Sydney y Dawes Point Battery, que estió a primera posición fortificada en Nueva Galas d'o Sud.[1]
Dos pubs diferents en The Rocks dicen estar o mas antigo de Sydney: Fortune of War y Lord Nelson. Atros pubs conoixius d'ista zona son Observer, Orient, Mercantile, Palisade y Hero of Waterloo.
Se troban tamién en l'aria de The Rocks una terminal de barcos de pasachers y o Museu d'Arte Contemporanio de Sydney. O districto ye tamién accesible por ferrocarril, ya que ye amán d'a gara de Circular Quay.