El termin mercau (u mercato, forma conservadera con a xorda intervocalica) en economía tien dos acepcions prencipals, una indica o puesto (tamién en sentiu fegurau) a on se reyalizan os intercambeos economico-comercials de materias primas, biens, servicios, diners, instrumentos financiers etc, a segunda se refiere a o mecanismo institucional por meyo d'o qual se desenvolica un comercio.[1]

Os diferents mercaus se pueden clasificar seguntes os criterios siguients:

  • Grau de concentración: numero d'interpresas u vendedors que i hai en o mercau. Tamién o numero de demandants.
  • Influyencia sobre o pre: os pres pueden estar marcaus por o mercau u puet estar que as interpresas i puedan influyir.
  • Grau d'homocheneidat/ tipo de producto: un mercau ye homochenio quan os productos son intercambeables.
  • Intensidat de competencia: a tensión en que as interpresas luitan adintro d'o mercau por vender más.
  • Grau de transparencia / información perfecta u imperfecta: información de que disponen tanto vendedors como crompadors sobre o producto que se vende en o mercau.
  • Barreras de dentrada u salida: obstaclos que impedisen salir u dentrar en o mercau (un paradigma de barrera son os aranzels).

ReferenciasEditar

  1. (it) Conrad M. Arensberg, Harry W. Pearson, Karl Polanyi, Traffici e mercati negli antichi imperi: le economie nella storia e nella teoria,cap. W. Neale Il mercato nella teoria e nella storia, Torino, Einaudi, 1978.(1957)