The Philadelphia Story (cinta)
- Iste articlo ye sobre una cinta de cine de comedia romantica estausunidense de 1940; ta atros usos, se veiga The Philadelphia Story.
.jpg)
The Philadelphia Story (títol orichinal en anglés, en aragonés A historia de Philadelphia, enguerada en Aragón con o títol en castellano de Historias de Filadelfia, en aragonés Historias de Philadelphia) ye una cinta de cine estausunidense de cine de comedia romantica enguerada l'anyo 1940, dirichida por George Cukor seguntes un guión adaptau por Donald Ogden Stewart (basau en The Philadelphia Story, una obra teatral de Philip Barry de l'anyo 1939), con una banda sonora orichinal de Franz Waxman, una dirección de fotografía de Joseph Ruttenberg, una producción cinematografica de Joseph L. Mankiewicz ta la productora cinematografica Metro-Goldwyn-Mayer y un elenco formau por Cary Grant, Katharine Hepburn, James Stewart, Ruth Hussey, John Howard, Roland Young, John Halliday, Mary Nash, Virginia Weidler, Henry Daniell y Lionel Pape, entre d'atros actors.
En a cinta se conta la situación d'una "socialite" de Philadelphia que ye amán d'a suya voda pero que se troba con que plegan por sorpresa poco antis d'a ceremonia lo suyo ex-mariu de qui s'heba esvurciau y un periodista d'una revista sensacionalista ta fer un reportache d'a voda. A obra teatral orichinal s'inspira en una "socialite" real, Helen Hope Montgomery Scott, una rica heredera de Philadelphia que s'heba casau con un amigo de l'autor,[2] y ye un perfecto exemplo d'un tipo de comedias muit popular en o cine estausunidense mientres os anyos 1930 y 1940, conoixiu como "comedia de segundos matrimonios" en as que una parella s'esvurcia, coquetia con forasteros y dimpués torna a casar-se. Ixo yera en considerar-se en ixas envueltas l'esvurcio como bella cosa poco usual y mesmo una mica escandalosa, trobando-se amás bloqueyada la presencia en a gran pantalla de relacions extramatrimonials por o codigo Hays.[3]
The Philadelphia Story s'ambienta en a ciudat de Philadelphia (Pennsilvania) en a suya epoca actual (1940) y las suyas escenas se filmoron en os Metro-Goldwyn-Mayer Studios de Culver City en California entre lo 5 de chulio y lo 14 d'agosto de 1940.[4] Estió la primer cinta de l'actriz Katharine Hepburn con exito dende que se la consideraba como un "fracaso de taquilla" en concatenar succesivas interpretacions con malos resultaus d'ingresos de taquilla, habendo estau incluyida en a lista d'actrices con "fracaso de taquilla" en 1938.[5]
Ye una cinta que ha recibiu cuantos premios y nominacions, en destacando dos Premios Oscar (Millor Actor y Millor Guión Adaptau) y cuatre nominacions (Millor Cinta, Millor Director, Millor Actriz y Millor Actriz Segundaria) en a suya 13ena edición.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ (en) Enguero de The Philadelphia Story en Internet Movie Database.
- ↑ (en) Ian Irvine: The Philadelphia Story (1940), en o Sunday Telegraph, 16 d'abril de 1995.
- ↑ (en) Peter Bradshaw: The Philadelphia Story review – fun and wit rise like champagne bubbles, en The Guardian, 12 de febrero de 2015.
- ↑ (en) Localizacions de The Philadelphia Story en Internet Movie Database.
- ↑ (en) The New Pictures, en Time, 20 de chinero de 1941.
- ↑ (en) The Philadelphia Story en Internet Movie Database.
Vinclos externos
editar
Se veigan as imáchens de Commons sobre The Philadelphia Story.- (en) The Philadelphia Story en Internet Movie Database.
- (en) The Philadelphia Story en en TCM Movie.
- (en) The Philadelphia Story en AllMovie.
- (en) The Philadelphia Story en l'American Film Institute Catalog de l'American Film Institute.
- (en) The Philadelphia Story en Rotten Tomatoes.
Datos: Q498822- Multimedia: The Philadelphia Story (film) / Q498822
