The Outlaw Josey Wales
The Outlaw Josey Wales (títol orichinal en anglés, en aragonés O malfeitor Josey Wales, enguerada en Aragón con o títol en castellano d'El fuera de la ley, en aragonés O fuera d'a ley) ye una cinta de cine estausunidense enguerada l'anyo 1976 de cine de western dramatico dirichida por Clint Eastwood seguntes un guión adaptau por Phil Kaufman y Sonia Chernus (basau en a novela The Rebel Outlaw: Josey Wales publicada por Asa Earl Carter en 1973), con una banda sonora orichinal de Jerry Fielding, una dirección de fotografía de Bruce Surtees y una producción cinematografica de Robert Daley ta la productora cinematografica The Malpaso Company. Conta con un elenco d'o cual en fan parte Clint Eastwood, Chief Dan George, Sondra Locke, Bill McKinney, John Vernon, Paula Trueman, Sam Bottoms, Geraldine Keams, Woodrow Parfrey, Joyce Jameson, Sheb Wooley, Royal Dano, Matt Clark, John Verros, Will Sampson, William O'Connell, Madeleine Taylor Holmes, John Quade, Frank Schofield, Buck Kartalian, Len Lesser, Doug McGrath, John Russell, Charles Tyner, Bruce M. Fischer, John Mitchum, John Chandler, Tom Roy Lowe, Clay Tanner, Bob Hoy y Richard Farnsworth, entre d'atros actors.
Josey Wales ye un granchero de Missouri y mientres a Guerra Civil d'os Estaus Unius un grupo de guerrileros nordistas d'o capitán Terrill asasina a la suya familia. Ta vengar-se, decide unir-se a un grupo de guerrileros sudistas liderau por William T. Anderson. Cuan en rematar a guerra lo grupo se rinde por orden d'o capitán Fletcher, son traicionaus y asasinaus por os hombres de Terrill, menos Josey y un atro choven greument feriu. Cuan fuyen, lo choven muere pero poquet a poquet Josey Wales va reunindo un grupo bien variau d'inadaptaus u chent con problemas: Lone Watie, un viello cherokee; Little Moonlight, una choven navajo, Sarah Turner y su nieta Laura Lee (que ye filla d'un guerrillero nordista muerto en a guerra)... Toz plegan en o lugar de Santo Río, a on lo pai de Laura Lee teneba un rancho y a on se veye obligau a tractar con o chefe comanche Diez Onsos. Tanimientres, o capitán Fletcher diriche a un grupo de hombres que son en a suya busca y han descubierto a on se i troba.
A cinta s'ambienta en os anyos 1860 en Missouri, Oklahoma y Texas mientres a Guerra Civil d'os Estaus Unius y en os anyos posteriors, y las suyas escenas se filmoron en Colorado City, Fredonia, Kayenta, Marble Canyon, Mescal, Mexican Water, Page, Patagonia, Sonoita, Teec Nos Pos, Tuba City, Tucson y atros puestos d'Arizona, en Oroville (California), en Wyoming y en Paria en Utah.[2]
Se tracta d'una cinta que ha recibiu bels premios y nominacions, entre los cuals destaca una noinación a los Premios Oscar (a la Millor Banda Sonora Orichinal) en a suya 49ena edición.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) The Outlaw Josey Wales en Internet Movie Database.
- (en) The Outlaw Josey Wales en TCM Movie.
- (en) The Outlaw Josey Wales en l'American Film Institute Catalog de l'American Film Institute.
- (en) The Outlaw Josey Wales en Rotten Tomatoes.
- (en) The Outlaw Josey Wales en Metacritic.
- (en) The Outlaw Josey Wales en Box Office Mojo.
Datos: Q477630
Multimedia: The Outlaw Josey Wales / Q477630
