The Meg
The Meg (títol orichinal en anglés, en aragonés O Meg, enguerada en Aragón con o títol de Megalodón) ye una cinta de l'anyo 2018 de cine d'acción de ciencia ficción y terror coproducida entre lo cine chinés y lo cine estausunidense dirichida por Jon Turteltaub seguntes un guión adaptau por Dean Georgaris, Jon Hoeber y Erich Hoeber (basau en a novela Meg: A Novel of Deep Terror, publicada por Steve Alten en 1997), con una banda sonora orichinal de Harry Gregson-Williams, una dirección de fotografía de Tom Stern, una producción cinematografica de Lorenzo di Bonaventura, Belle Avery y Colin Wilson ta las productoras Gravity Pictures, Di Bonaventura Pictures, Apelles Entertainment, Maeday Productions y Flagship Entertainment Group y un elenco que se composa en os suyos papels pricipals por os actors Jason Statham, Li Bingbing, Rainn Wilson, Cliff Curtis, Winston Chao, Sophia Cai, Ruby Rose, Page Kennedy, Robert Taylor, Ólafur Darri Ólafsson, Jessica McNamee y Masi Oka.
Jonas Taylor ye un submarinista certificau como "Rescue Diver" que yera prebando de rescatar a la tripulación d'un submarín nucleyar cuan una criatura de gran tamanyo que no podió identificar atacó lo submarín, y dos miembros de l'equipo de rescate quedan atrapaus en l'interior d'o submarín y Jonas podió veyer que si intentaba salvar-los morirían él y amás as atras personas que heba salvau d'o submarín. Tanimientres, l'atro supervivient de l'equipo explica que Jonas heba tomau una mala decisión como consecuencia d'una psicosi provocada por a presión d'a situación. Anyos dimpués, una investigación cientifica en a Fuesa d'as Marianas en l'oceano Pacifico descubre que la fuesa ye encara mas funda d'o que se pensaba, pero que ixa parte mas funda se troba deseparada d'a mar por una termoclina de sulfuro d'hidrocheno. Cuan un chicot submarín d'exploración trescruza la termoclina l'ataca bel animal desconoixiu de gran tamanyo y lo vehiclo queda immobilizau. Ta intentar salvar-los recurren una atra vegada a Jonas, qui los saca de baixo d'a termoclina. Pero lo que encara no saben ye que las suyas actividaz han provocau un cambio temporal en a termoclina que ha permitiu que la trescruce l'animal que els heba atacau y que resulta estar un megalodon de 25 metros, encara que se consideraba que ixa especie s'heba extinguiu fa cuasi que 4 millons d'anyos.
A cinta s'ambienta en un futuro indeterminau d'a suya epoca actual (2018) en Hainan y Xangai en China, en Tailandia, en Tokio en Chapón y en l'oceano Pacifico, y las suyas escenas se filmoron en Auckland (provincia d'Auckland, Nueva Zelanda)[1] y en Hainan en China. The Meg ha recibiu bels premios y nominacions pero garra d'éls no fa parte d'os premios mas conoixius.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ (en) Localizacions de The Meg en Internet Movie Database.
- ↑ (en) The Meg en Internet Movie Database.
Vinclos externos
editar- (en) Pachina web oficial de The Meg.
- (en) The Meg en Internet Movie Database.
- (en) The Meg en Rotten Tomatoes.
- (en) The Meg en Metacritic.
- (es) The Meg en FilmAffinity.
- (fr) The Meg en Allociné.
- (en) The Meg en Rotten Tomatoes.
- (en) The Meg en Letterboxd.
- (en) The Meg en Box Office Mojo.
- (en) The Meg en AllMovie.
- (en) The Meg en TCM Movie Database.
- (en) The Meg en Netflix.
Datos: Q27957869
