The Man in the Iron Mask (cinta de 1998)
- Iste articlo ye sobre una cinta de cine d'aventuras estausunidense de l'anyo 1998; ta atros usos, se veiga The Man in the Iron Mask.
The Man in the Iron Mask (títol orichinal en anglés, en aragonés L'hombre en a carota de fierro, enguerada en Aragón con o títol en castellano de El hombre de la màscara de hierro, en aragonés L'hombre d'a carota de fierro) ye una cinta de cine d'aventuras dramaticas de capa y espada historico d'o cine estausunidense de l'anyo 1998 dirichida por Randall Wallace seguntes un guión adaptau por él mesmo basau en a novela Le vicomte de Bragelonne, d'Alexandre Dumas, publicada en 1847-1850 como continación de Les trois mousquetaires. Con una Banda Sonora Orichinal de Nick Glennie-Smith, una dirección de fotografía de Peter Suschitzky y una producción cinematografica de Randall Wallace y Russell Smith ta la productora cinematografica United Artists, en l'elenco d'a cinta partecipan, entre d'atros, os actors Leonardo DiCaprio, Jeremy Irons, John Malkovich, Gérard Depardieu, Gabriel Byrne, Anne Parillaud, Judith Godrèche, Peter Sarsgaard, Edward Atterton, Hugh Laurie y David Lowe. Se tracta d'a primera cinta de Leonardo DiCaprio dimpués d'o suyo exito con Titanic (1997, James Cameron).
A cinta s'ambienta en 1662 mientres o reinau d'o rei Loís XIV de Francia y amuestra las andanzas d'os cuatre mosqueteros Athos, Porthos, Aramis y D'Artagnan, en ligando la suya historia con o mito de l'hombre d'a carota de fierro, adoptando ta la suya trama argumental mas similituz con a cinta The Iron Mask (1929, Allan Dwan) que con a novela orichinal. Se rodó en Francia, y las escenas d'o castiello se filmoron en o castiello de Vaux-le-Vicomte (Maincy, en Sena y Marne), en o castiello de Fontainebleau (Fontainebleau, Sena y Marne), en o castiello de Pierrefonds (Pierrefonds, Oise) y en un logis ubicau en Fontenay-sur-Vègre (Sarthe), con bellas escenas rodadas en o centro historico d'a ciudat de Le Mans (Sarthe); tamién se rodoron escenas en os Estudios d'Arpajon, en Saint-Germain-lès-Arpajon (Essonne) y en Montroulez, en Finisterre, en a Bretanya. As criticas a la cinta por parte d'a critica profesional no estioron masiau favorables, encara que tenió prou exito de publico, con un presupuesto de 35 millons de dólars y un recaudo de 182,9 millons de dólars; tanimientres, a cinta recibió bellas nominacions, encara que a premios menors.
Elenco[1] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
Vinclos externos editar
- (en) The Man in the Iron Mask en Internet Movie Database.
- (en) The Man in the Iron Mask en AllMovie.
- (en) The Man in the Iron Mask en Rotten Tomatoes.
- (es) The Man in the Iron Mask en FilmAffinity.
- (fr) The Man in the Iron Mask en Allociné.
- (en) The Man in the Iron Mask en Letterboxd.
- (en) The Man in the Iron Mask en Box Office Mojo.
- (en) The Man in the Iron Mask en Metacritic.
- (en) The Man in the Iron Mask en l'American Film Institute Catalog de l'American Film Institute.