The Last Duel (cinta de 2021)
- Iste articlo ye sobre una cinta de cine epico historico dramatico de l'anyo 2021; ta atros usos, se veiga The Last Duel (cinta) y The Last Duel.
.svg){kind=small}
The Last Duel (títol orichinal en anglés, en aragonés O zaguer duelo, enguerada en Aragón con o suyo títol traduciu enta lo castellano como El último duelo) ye una cinta de l'anyo 2021 de cine de drama historico epico coproducida por o cine britanico y lo cine estausunidense dirichida por Ridley Scott seguntes un guión adaptau por Nicole Holofcener, Ben Affleck y Matt Damon (basau en The Last Duel: A True Story of Crime, Scandal, and Trial by Combat in Medieval France, un asayo d'Eric Jager de 2004 que conta una historia real), con una banda sonora orichinal de Harry Gregson-Williams, una dirección de fotografía de Dariusz Wolski y una producción cinematografica de Ridley Scott, Kevin J. Walsh, Jennifer Fox, Nicole Holofcener, Matt Damon y Ben Affleck ta las productoras Scott Free Productions, Pearl Street Films y TSG Entertainment. L'elenco d'actors d'a cinta el forman, entre d'atros, Matt Damon, Adam Driver, Jodie Comer, Ben Affleck, Harriet Walter, Alex Lawther, Serena Kennedy, Marton Csokas, Željko Ivanek, Tallulah Haddon, Bryony Hannah, Nathaniel Parker, Sam Hazeldine, Michael McElhatton, Oliver Cotton, Clive Russell, Adam Nagaitis, Bosco Hogan y Clare Dunne.
O guión d'a cinta se basa en un asayo d'Eric Jager que conta un feito real escaiciu en o reino de Francia en o sieglo XIV cuan Jean de Carrouges, un caballero, acusó a lo suyo antigo amigo Jacques Le Gris de violación en a persona de su muller Marguerite de Carrouges en desafiando-lo a un duelo chudicial, una figura d'o Dreito Penal que en ixas envueltas ya heba cayiu en desuso. A cinta conta los feitos novelaus dividida en tres partes, amostrando en cadaguna d'ixas partes a visión de cadagún d'os tres protagonistas principals, o mariu, la muller y l'acusau.
A cinta s'ambienta en o sieglo XIV en Normandía, Limoches, Escocia y París y las suyas escenas se filmoron en o castiello de Cahir en o condau de Tipperary y en Bray en o condau de Wicklow en Irlanda, y en o castiello de Fénelon en Sainte-Mondane y en Monpazier en Dordonya, en l'abadía de Fontfreja y en Narbona en l'Aude, en o castiello de Berzé-le-Châtel en Berzé-le-Châtel en Saona y Loira y en o castiello de Beinac en Beinac en l'Alta Viena en Francia, amás d'en os Ardmore Studios en o condau de Wicklow en Irlanda.[2]
The Last Duel ye una cinta que estió bien acullida por a critica profesional y que recibió cuantos premios y nominacions, encara que gara d'istos premios perteneixe a los premios consideraus como prencipals u mas conoixius.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 1,2 (en) Enguero de The Last Duel en Internet Movie Database.
- ↑ (en) Localizacions de The Last Duel en Internet Movie Database.
- ↑ (en) The Last Duel en Internet Movie Database.
Vinclos externos
editar- (en) The Last Duel en Internet Movie Database.
- (es) The Last Duel en FilmAffinity.
- (fr) The Last Duel en Allociné.
- (en) The Last Duel en Rotten Tomatoes.
- (en) The Last Duel en Letterboxd.
- (en) The Last Duel en AllMovie.
- (en) The Last Duel en Metacritic.
Datos: Q85000980
