The Jewel of the Nile
The Jewel of the Nile (títol orichinal en anglés, en aragonés A choya d'o Nilo, enguerada en Aragón con o títol en castellano de La joya del Nilo) ye una cinta de cine estausunidense de l'anyo 1985 dirichida por Lewis Teague seguntes un guión orichinal de Mark Rosenthal y Lawrence Konner (basau en os personaches creyaus por Diane Thomas), con una banda sonora orichinal de Jack Nitzsche, una producción cinematografica de Michael Douglas ta la productora cinematografica The Stone Group, Ltd., una dirección de fotografía de Jan de Bont y un elenco d'actors d'o cual en fan parte, en os suyos papels principals, os actors Michael Douglas, Kathleen Turner, Danny DeVito, Spiros Focás, Avner Eisenberg, Hamid Fillali, Daniel Peacock, Holland Taylor y Guy Cuevas.
Seis meses dimpués d'o suyo romance prencipiau en Romancing the Stone (1984, Robert Zemeckis), a relación entre la escritora Joan Wilder y l'aventurero Jack Colton s'ha refredau. Toz dos se troban en un barco en un puerto francés d'a mar Mediterrania y Jack quiere continar viache enta Grecia pero Joan, que se troba con un bloqueyo en a suya inspiración como escritora, quiere tornar en os Estaus Unius. Cuan Joan conoix a Omar Khalifa, lo gubernant d'un país arabe en o río Nilo que li demana que escriba la suya biografía, ista accepta y se deseparan, pero bien luego informan a Jack d'as verdaderas intencions de l'arabe y marcha dezaga d'éls, trobando-se una atra vegada con Ralph, l'estafador a qui heba conoixiu en a cinta anterior. Cuan plegan en o país arabe se troban con que Omar parixe haber-se apropiau d'a choya d'o Nilo, a la que los arabes claman Al-Julhara. Buscando lo que creyen que ye un fabuloso tresoro, coinciden atra vegada con Joan, qui ya ha descubierto la realidat que bi ha dezaga d'Omar.
A cinta s'ambienta en Francia y en un país ficticio en Africa en a suya epoca actual (1985) y las suyas escenas se filmoron en Ouarzazate, Meknès y bella atra localidat en Marruecos, en Utah en os Estaus Unius, en os Alpes Maritimos (incluyindo-ie Canas, Niza y Villefranche-sur-Mer) en Francia y en Mónegue.[2]
Ye una cinta que ha recibiu bella nominación, pero no a garra premio d'os mas destacaus en o panorama cinematografico.
Elenco[3] editar
| Actor | Papel | Notas |
|---|---|---|
| [[]] | ' |