The Iron Mistress
The Iron Mistress (títol orichinal en anglés, en aragonés A sinyora de fierro, enguarada en Aragón con o títol en castellano de La novia de acero, en aragonés A novia d'acero) ye una cinta de cine estausunidense de cine de western de l'anyo 1952 dirichida por Gordon Douglas seguntes un guión adaptau por James R. Webb (basau en a novela The Iron Mistress, publicada por Paul Iselin Wellman en 1951), con una banda sonora orichinal de Max Steiner, una dirección de fotografía de John F. Seitz y una producción cinematografica de Henry Blanke ta la productora cinematografica Warner Bros.. Conta con un elenco d'o cual en fan parte, entre d'atros, os actors Alan Ladd, Virginia Mayo, Joseph Calleia, Phyllis Kirk, Alf Kjellin, Douglas Dick, Anthony Caruso, Nedrick Young, George Voskovec, Richard Carlyle, Robert Emhardt, Don Beddoe, Harold Gordon, Gordon Nelson, Jay Novello y Nick Dennis.
Jim Bowie vive con su mai y sus chirmanos en os "bayous" (auguachinals en o luengache local) de Loisiana, adedicaus a picar árbols ta vender a suya fusta. Marcha enta Nueva Orleans ta vender-ie la suya fusta, pero en plegar-ie ofende a Narcisse de Bornay inadvertidament en esfender a l'artista James Audubon, y Narcisse lo reta a un duelo, encara que no plegan a barallar-se y rematan estando amigos. Narcisse veye que Jim s'ha fixau en su chirmana Judalon y advierte a Jim que ye una mesacha eviciada y altiva. Henri Contrecourt, un hombre que quereba festechar con Judalon, mata a Narcisse y desafía a Jim, qui consigue matar-lo. Alavez Jim li proposa matrimonio a Judalon, pero ista lo refusa y Jim torna enta la suya casa, convertendo-se bien luego en un cabalero hombre de negocios adedicau a lo cotón. Ixo enturrufa a Juan Moreno, un productor de cotón de Mississipi que dica l'inte controlaba lo mercau d'o cotón y que decide arruinar a Jim, conseguindo que lo banco li niegue los creditos que amenista. Tanimientres Jim consigue los diners a traviés d'una cursa de caballos y en ixa mesma cursa conoix que Judalon s'ha casau con Philippe de Cabanal, un cabalero y prominent miembro d'a elite de Nueva Orleans. Tanimientres, Philippe ye entrampau con Juan Moreno por deudas de chuego y Judalon li diz a Jim que lo suyo obchectivo ye l'esvurcio, encara que no se compromete a casar-se con Jim cuan l'obtenga. Jim marcha de viache enta Nashville y, cuan torna, conoix que Judalon s'ha estau veyendo con Juan. Un amigi de Juan desafía a Jim a un duelo y cuan sobrevive se troba feriu con un punyal por Juan, pero Jim encara qye feriu de gravedat consigue matar-lo con un cutiello disenyau por él mesmo. Jim marcha de viache enta Texas y en estar atacau y nuevament feriu, recibe l'aduya d'a filla d'o gubernador de Texas (que alavez perteneixeba a Mexico), Úrsula Veramendi.
Ye una cinta ambientada en o sieglo XIX en Nueva Orleans y atros puestos de Loisiana y en Texas, y las suyas escenas se filmoron en os Warner Brothers Burbank Studios en Burbank y en o rancho Warner en Calabasas, todas dos localidaz situadas en California.[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar
Se veigan as imáchens de Commons sobre The Iron Mistress.
Datos: Q3210646- Multimedia: The Iron Mistress / Q3210646
