The Gunman (cinta de 2015)
- Iste articlo ye sobre una cinta de cine d'intriga d'acción estausunidense de l'anyo 2015; ta atros usos, se veiga The Gunman y The Gunman (cinta).
.svg){kind=small}
The Gunman (títol orichinal en anglés, en aragonés O pistolero, enguerada en Aragón con o títol en castellano de Caza al asesino, en aragonés Caza a l'asasino) ye una cinta de cine d'intriga d'acción de l'anyo 2015 coproducida por o cine estausunidense, lo cine britanico, lo cine espanyol y lo cine francés dirichida por Pierre Morel seguntes un guión adaptau por Don Macpherson, Pete Travis y Sean Penn (basau en La position du tireur couché, novela de Jean-Patrick Manchette publicada en 1981), con una banda sonora orichinal de Marco Beltrami, una dirección de fotografía de Flavio Martínez Labiano, una producción cinematografica d'Adrián Guerra, Sean Penn, Peter McAleese, Andrew Rona y Joel Silver ta las productoras StudioCanal, Anton Capital Entertainment, Canal+, Nostromo Pictures, Silver Pictures y TF1 Films Production y un elenco d'o cual en fan parte, en os prencipals papels d'a cinta, os actors Sean Penn, Javier Bardem, Idris Elba, Mark Rylance, Jasmine Trinca, Ray Winstone, Peter Franzén, Billy Billingham, Daniel Adegboyega y Ade Oyefeso.
Jim Terrier ye un antigo miembro d'as Fuerzas Especials de l'Exerciro d'os Estaus Unius que partecipaba en operacions negras y que en 2006 se troba en a Republica Democratica d'o Congo a on oficialment proporciona seguridat a prochectos locals d'aduya humanitaria pero que en realidat prepara l'asasinato d'o ministro de Minas d'o país, qui heba anunciau que bie luego denunciaría los contractos sinyaus con as empresas mineras occidentals. En ixa misión s'enamora d'Annie, una medico que treballa ta una ONG, y ye correspondiu. Sindembargo, cuan seguindo las órdens asasina a lo ministro, li ordenan que marche inmediatament d'o país, y marcha sin decir-le cosa a Annie. Cuan marcha, Jim albandona lo suyo treballo como mercenario. En 2014 torna en a Republica Democratica d'o Congo como cooperant, pero bien luego ye obchecto d'un ataque aparentment feito por chens locals, pero cuan logra matar-los y revisa lo que levan dencima, descubre que en realidat él yera un obchectivo y que lo que quereban yera asasinar-lo a él. Poquet a poquet se convence de que lo son perseguindo como consecuencia d'o treballo que heba feito uieto anyadas antes y prencipia a investigar en o suyo antigo cerclo de contactos.
A cinta s'ambienta en a Republica Democratica d'o Congo en 2006 y 2014 y en ista zaguer calendata tamién en Londres en o Reino Uniu, en Barcelona en Espanya y en Chibraltar, y las suyas escenas se filmoron en Barcelona y Logronyo en Espanya, en Ciudat d'o Cabo en Sudafrica, en Londres en o Reino Uniu, en Chibraltar y en Los Angeles (California) en os Estaus Unius.[2]
The Gunman ye una cinta que ha recbiu bels premios u nominacions, encara que garra d'istos premios fa parte d'os premios mas conoixius u destacaus.
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
- ↑ 1,0 1,1 1,2 1,3 1,4 (en) Enguero de The Gunman en Internet Movie Database.
- ↑ (en) Localizacions de The Gunman en Internet Movie Database,
- ↑ (en) The Gunman en Internet Movie Database.
Vinclos externos editar
- (en) The Gunman en Internet Movie Database.
- (en) The Gunman en AllMovie.
- (en) The Gunman en Internet Movie Firearms Database.
- (es) The Gunman en FilmAffinity.
- (fr) The Gunman en Allociné.
- (en) The Gunman en Rotten Tomatoes.
- (en) The Gunman en Letterboxd.
- (en) The Gunman en Box Office Mojo.
- (en) The Gunman en Metacritic.