The Great Sioux Uprising
The Great Sioux Uprising (títol orichinal en anglés, en aragonés O gran devantamiento sioux, enguerada en Aragón con os títols en castellano de La carga de los indios sioux y La revuelta de los sioux, en aragonés A carga d'os indios sioux y A revuelta d'os sioux) ye una cinta de cine de western de cine estausunidense enguerada l'anyo 1953, dirichida por Lloyd Bacon seguntes un guión adaptau por Melvin Levy (basau en una historia de J. Robert Bren y Glady Atwater), con una banda sonora orichinal de Henry Mancini, Milton Rosen y Herman Stein, con una dirección de fotografía de Maury Gertsman, una producción cinematografica d'Albert J. Cohen ta la productora cinematografica Universal Pictures y un elenco que se composa d'actors como Jeff Chandler, Faith Domergue, Lyle Bettger, Peter Whitney, Stacy Harris, Walter Sande, Stephen Chase, Glenn Strange, Ray Bennett, John War Eagle, Charles Arnt, Julia Montoya, Dewey Drapeau, Boyd "Red" Morgan, Lane Bradford, Jack Ingram, Clem Fuller y Virginia Mullen.
Joan Britton ye una choven de Wyoming que s'adedica a la venda de caballos a l'exercito estausunidense mientres a Guerra Civil d'os Estaus Unius en competencia con Stephen Cook, que ye lo mayor vendedor de caballos a l'exercito en ixe estau. Bel día tien una ideya: convencer a los sioux ta que li vendan alto u baixo 1.000 caballos que poseyen y poder-los ceder a l'exercito sin obtener garra beneficio. Porque la diferencia entre Joan y Stephen ye que la mesacha ye convencida d'a bondat d'a causa nordista mientres que Stephen nomás piensa que en obtener beneficio. Por ixo Stephen decide seguir a la mesacha y finalment, robar-lis os caballos a los indios y, encara que istos lo fan fuyir, sospeitan de Joan porque immediatament antis d'o robo s'heban negau a vender-le los caballos. Chusto en ixe inte plega en o lugar Stand Watie, un cherokee que a la vegada ye cheneral de l'exercito d'a Estaus Confederaus d'America que plega en a redolada ta conseguir que los indios se subleven y obligar asinas a que los nordistas dividan as suyas fuerzas. Stand Watie decide aproveitar o robo ta convencer a los indios de que se subleven. Tanimientres, tamién plega en o lugar Jonathan Westgate, un antigo medico militar de l'exercito nordista que ha abandonau deprimiu por a suya impotencia de salvar todas as vidas. Jonathan s'enfrontina con Stephen en estar toz dos intresaus en Joan a la vegada que s'enfrontina con Stand Watie ta evitar a sublevación d'os sioux.
A cinta s'ambienta en Wyoming en os anyos 1860 mientres a Guerra Civil d'os Estaus Unius y las suyas escenas se filmoron en Pendleton y Portland en Oregón, amás d'en os Universal Studios en Universal City en California.[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) The Great Sioux Uprising en Internet Movie Database.
- (en) The Great Sioux Uprising en TCM Movie.
- (en) The Great Sioux Uprising en Letterboxd.
Datos: Q7737937
