The Glory Guys
| The Glory Guys | |
|---|---|
| Títol | The Glory Guys |
 Póster d'a cinta, obra de Frank McCarthy. | |
| Ficha tecnica | |
| Dirección | Arnold Laven |
| Producción | Arthur Gardner Arnold Laven Jules V. Levy |
| Disenyo de producción | Ted Haworth |
| Guión adaptau | Sam Peckinpah |
| Basau en | The Dice of God, novela de 1956 de Hoffman Birney |
| Musica | Riz Ortolani |
| Soniu | Howard Beals |
| Fotografía | James Wong Howe |
| Montache | Tom Rolf |
| Vestuario | Frank Beetson Jr. |
| Actors | Tom Tryon Harve Presnell Senta Berger Michael Anderson Jr. James Caan Slim Pickens Erik Holland Adam Williams Andrew Duggan Peter Breck Laurel Goodwin Jeanne Cooper Robert McQueeney Wayne Rogers Michael Forest Claudio Brook |
| Color | Color by DeLuxe Panavision |
| Datos y cifras | |
| País(es) | Estaus Unius |
| Anyo | 1965 |
| Debantadera | 7 de chulio de 1965  Estaus Unius[1]
|
| Chenero(s) | Cine de western Cine belico |
| Durada | 112 min. |
| Idioma(s) | Anglés |
| Companyías | |
| Productora(s) | Levy-Gardner-Laven |
| Distribución | United Artists |
| Presupuesto | 1,6 millons de dólars |
| Informacions en bases de datos especializadas: | |
        
| |
The Glory Guys (títol orichinal en anglés, en aragonés Os mesaches d'a gloria, enguerada en Aragón con o títol de Gloriosos camaradas) ye una cinta de cine de western belico de cine estausunidense enguerada l'anyo 1965, dirichida por Arnold Laven seguntes un guión adaptau por Sam Peckinpah (basau en The Dice of God, una novela que heba publicau Hoffman Birney l'anyo 1956), con una banda sonora orichinal de Riz Ortolani, una dirección de fotografía de James Wong Howe y una producción cinematografica d'Arthur Gardner, Arnold Laven y Jules V. Levy ta la suya productora cinematografica Levy-Gardner-Laven. Fan parte de l'elenco d'actors d'a cinta, entre d'atros, Tom Tryon, Harve Presnell, Senta Berger, Michael Anderson Jr., James Caan, Slim Pickens, Erik Holland, Adam Williams, Andrew Duggan, Peter Breck, Laurel Goodwin, Jeanne Cooper, Robert McQueeney, Wayne Rogers, Michael Forest y Claudio Brook.
Demas Harrod ye un capitán de Caballería de l'exercito estausunidense que marcha de camín ta lo suyo destino en l'Ueste. En plegar-ie, troba a Lou Woddard, una vídua a qui heba conoixiu d'antes mas y con a que heba teniu una relación. Lou, encara que amuestra estar intresada por él, li diz que no puede continar con a relación ta no comprometer a suya situación social en o lugar. D'atra man, a función d'o capitán en ixe destino ye d'adiestrar a un grupo de recrutas (que no destacan precisament por as suyas grans cualidaz) a las órdens d'un cheneral con bien mala fama sobre la suya conducta como militar. Sol Rogers ye un explorador, que amás ye novio de Lou, y con qui bien luego prencipia una competición por l'amor d'a muller, que no se decide por garra d'os dos. Y lo cheneral nomás quiere que marchar en o combate contra los indios ta conseguir gloria y honors. Como mesmo Rogers que Harrod comparten a suya opinión sobre lo cheneral y sobre cuasi tot en cheneral, rematan por fer-se amigos en vespras d'a campanya que prepara lo cheneral contra los indios.
A cinta s'ambienta en bel momento y puesto indeterminaus de l'Ueste d'Estaus Unius en a segunda metat d'o sieglo XIX y las suyas escenas se filmoron en Hereford, McNeal y atros puestos en Arizona en os Estaus Unius y en o estau de Durango en Mexico.[2]
The Glory Guys recibió una nominación a la Millor Estrela Emerchent Masculina en a 23ena edición d'os Premios Globos d'Oro.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q1218403
