The Eternal City (cinta de 1923)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre una cinta de cine estausunidense de l'anyo 1923, ta atros usos se veiga The Eternal City.
| The Eternal City | |
|---|---|
_poster.jpg) Póster teatralizau d'a cinta. | |
| Ficha tecnica | |
| Dirección | George Fitzmaurice |
| Producción | Samuel Goldwyn |
| Guión | Ouida Bergère (basau en The Eternal City de Hall Caine) |
| Fotografía | Arthur C. Miller |
| Actors | Lionel Barrymore Bert Lytell Barbara La Marr Richard Bennett Montagu Love |
| Datos y cifras | |
| País(es) | Estaus Unius |
| Anyo | 1923 |
| Chenero(s) | Cine de drama |
| Durada | 19 min. |
| Idioma(s) | Cine mudo |
| Companyías | |
| Productora(s) | Samuel Goldwyn Productions |
| Distribución | Associated First National |
| Informacions en bases de datos especializadas: | |
     
| |
The Eternal City (títol orichinal en anglés; en aragonés A ciudat eterna) ye una cinta de cine mudo dramatica estausunidense de l'anyo 1923 dirichida por George Fitzmaurice seguntes un guión de Ouida Bergère (basau en a novela The Eternal City de Hall Caine). Producida por Samuel Goldwyn a traviés d'a suya productora Samuel Goldwyn Productions y distribuyita por Associated First National, contó como actors prencipals con Lionel Barrymore, Bert Lytell, Barbara La Marr, Richard Bennett y Montagu Love y con una dirección de fotografía a cargo d'Arthur C. Miller.
Sobre a mesma novela en a que se basa o guión d'a cinta s'heba rodau d'antis mas (1915) una atra cinta d'o mesmo títol, The Eternal City, dirichida por Hugh Ford y Edwin S. Porter.
Reparto
editar- Barbara La Marr, en o papel de Donna Roma Valonna.
- Bert Lytell, en o papel de David Rossi.
- Lionel Barrymore, en o papel de Barón Bonelli.
- Richard Bennett, en o papel de Bruno Rocco.
- Montagu Love, en o papel de Charles Minghelli.
- William Ricciardi, en o papel d'accionista.
- Joan Bennett, en o papel de Page (no acreditada).
- Betty Bronson, en o papel de Page (no acreditada).
- Ronald Colman, en o papel d'extra (no acreditau).
En a cinta tamién amanixen en revistando las tropas de l'Exercito italiano:
- Victor Manuel III, rei d'Italia.
- Benito Mussolini, alavez dictador faixista d'Italia.
Producción
editarLa guionista Ouida Bergère fació a-saber-los de cambeos en a novela orichinal The Eternal City de Hall Caine, mas que mas en suprimindo cualsiquier referencia a la relichión en o suyo guión.
O director d'a cinta, George Fitzmaurice, fació plegar una copia d'a cinta en octubre de 1923 a Benito Mussolini, alavez primer ministro d'Italia, qui amaneixeba en a cinta y que heba estau de gran aduya ta la filmación de escenas d'a cinta en molimentos historicos d'a ciudat de Roma y mesmo adchudicando la protección d'o elenco d'a cinta (y amanixendo-ie como extras) a bels batallons de militars de l'Exercito italiano. Asinas, se rodoron escenas en o Coliseu, lo Foro romano, la Vía apia y bellos atros molimentos.
Sinopsi
editarEn a ciudat de Roma lo vagabundo Bruno Rocco tiene cura d'un nino uerfano, David Rossi, dica que l'adopta un medico. Dimpués David esdevieén o prometiu de Roma, la filla d'o medico. Cuan muere lo medico, a Bruno y a David los alistan en l'Exercito italiano ta partecipar en a Primera Guerra Mundial.
De mientras, Roma s'ha convertiu en una reconoixida escultora con l'aduya d'o barón Bonelli, qui ye en secreto lo chefe d'o Partiu Comunista en a ciudat. Cuan David retorna en a ciudat en rematar la guerra, convertiu en un fervient partidario de Mussolini, descubre que la suya novia ye la protechida d'o suyo mortal enemigo.
Conservación
editarYe una cinta perdida parcialment. Nomás se conservan dos d'os uieto rollos d'a cinta orichinal, que trobó en 2006 la historiadora d'o cine Giuliana Muscio en los archivos d'o Museu d'Arte Muderno de Nueva York. Ixas partes recuperadas se presentoron en 2014 en o Festival de Cine Mudo de Pordenone (Pordenone, Venecia Chuliana).[1]
Se veiga tamién
editarReferencias
editarVinclos externos
editar
Se veigan as imáchens de Commons sobre The Eternal City.- (en) The Eternal City en Internet Movie Database.
- (en) The Eternal City en AllMovie.
Datos: Q1969820- Multimedia: The Eternal City (1923 film) / Q1969820
