The Defender (cinta de 2004)
- Iste articlo ye sobre una cinta anglo-chermana de cine d'acción; ta atros usos, se veiga The Defender y The Defender (cinta).
.svg){kind=small}
The Defender (títol orichinal en anglés, en aragonés O defensor, enguerada en Aragón con o títol en castellano d'El protector) ye una cinta de cine d'acción de l'anyo 2004 coproducida por o cine britanico, lo cine alemán, o cine estausunidense y lo cine rumano, dirichida por Dolph Lundgren (ye la suya primer cinta como director) seguntes un guión orichinal de Douglas W. Miller, con una banda sonora orichinal d'Adam Nordén, una dirección de fotografía de Maxime Alexandre y una producción cinematografica de Philippe Martinez, Claudine Strasser y Douglas W. Miller ta las productoras Bauer Martinez Studios, Defender Production, Frame Werk Produktion GmbH & Co. KG, Lucky 7 Productions LLC, Lucky UKFS y Media Pro Pictures. De l'elenco d'a cinta en fan parte, entre d'atros actors, Dolph Lundgren, Jerry Springer, Shakara Ledard, Thomas Lockyer, Caroline Lee Johnson, Gerald Kyd, Ian Porter, Howard Antony, Geoffrey Burton, Iddo Goldberg, James Chalke, Leigh Zimmerman, Steven Elder, Radu Florescu, Ovidiu Niculescu y Cristina Teodorescu.
Lance Rockford ye un antigo soldau de l'exercito estausunidense en 1991 que agora ye lo guardaspaldas d'a directora d'a National Security Agency, l'Achencia de Seguridat Nacional d'os Estaus Unius. Bel día li encomanan a misión d'escoltar a la directora que oficialment marcha entra Rumanía ta una important reunión. Poquet a poquet conoix que se tracta d'una reunión secreta con Mohamed Jamar, o pior terrorista con qui liutan os Estaus Unius. cuan plegan en o suyo hotel en Rumanía a on oficialment nomás que un muit reduciu numero de personas sabe que i serán, se troban en bel meyo d'un ataque. Alavez a directora li explica que tractan de plegar en un alcuerdo d'invisibilidat con Jamar, en cumplindo las instruccions d'o president d'os Estaus Unius. Se considera que en estar un tan prominent terrorista, o gubierno estausunidense nomás puet fer que dos cosas: matar-lo u ferlo presonero ta chuzgar-lo, y en toz dos casos de fer-se asinas Jamar se convertería en un mártir ta los suyos partidarios. Asinas que a sola solución posible ye pactar con él a suya desaparición y asinas Jamar sobrevive pero los Estaus Unius no se veyen comprometius por haber pactau con él.
The Defender s'ambienta en a suya epoca actual (2004) en Washington, DC y en Rumanía, y las suyas escenas se filmoron en os MediaPro Studios en Bucarest (Rumanía) y en Washington, DC en os Estaus Unius.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 1,2 1,3 (en) Enguero de The Defender en Internet Movie Database
- ↑ (en) Localizacions de The Defender en Internet Movie Database.
- ↑ (en) The Defender en Internet Movie Database.
Datos: Q1537095
