The Corruptor
The Corruptor (títol orichinal en anglés, en aragonés O corruptor, enguerada en Aragón con o suyo títol traduciu enta lo castellano como El corruptor) ye una cinta de l'anyo 1999 de cine estausunidense de cine d'intriga policiaca d'acción dirichida por James Foley seguntes un guión orichinal de Robert Pucci, con una banda sonora orichinal de Carter Burwell y Junior Cyrus Baron, una dirección de fotografía de Juan Ruiz Anchía y una producción cinematografica de Dan Halsted ta la productora cinematografica Illusion Entertainment Group. Conta con un elenco d'o cual en fan parte, entre d'atros, os actors Chow Yun-fat, Mark Wahlberg, Byron Mann, Jon Kit Lee, Kim Chan, Ric Young, Paul Ben-Victor, Bill MacDonald, Elizabeth Lindsey, Andrew Pang, Brian Cox, Tovah Feldshuh y Beau Starr.
Nick Chen ye un tenient d'a Policía d'a ciudat de Nueva York, que ye lo chefe d'a unidat policial d'a ciudat adedicada a la vichilancia d'as lobadas d'orichen asiatico. En o Chinatown d'a ciudat ha esclatau una guerra de bandas entre los Tung Fung y los Dragons de Fukien. Pero a la vegada, Chen ye informant d'os Tung a traviés d'o suyo chefe tío Benny Wong y de Henry Lee, lo suyo lugartenient. Danny Wallace ye aparentment un policía novenzano destinau a la unidat de Chen, pero en realidat se tracta d'un achent d'a unidat d'afers internos a qui han ninviau ta que investigue a Chen, de qui bi han sospeitas de corrupción. Mientres una intervención, Chen salva la vida de Danny, y iste prencipia a tener un mayor contacto con o primero, y Henry Lee lo presenta a tío Benny ta ufrir-li que tamién Danny colabore con os Tung. Chen sospeita que tamién Danny colabora con os Tung, pero garra d'os dos no sabe que en realidat Henry ha pactau una alianza con os Dragons de Fukien en contra de tío Benny, a qui finalment matan. A la vegada, lo Federal Bureau of Investigation ha descubierto la pertenencia de Danny a afers internos y l'amenaza de fer-lo publico si no colabora con éls contrta Chen. Tanimientres, Henry Lee ha conoixiu a verdadera identidat de Danny y li comunica a Chen, dando-le tamién instruccions ta que lo mate.
The Corruptor s'ambienta en o moment actual d'a cinta (1999) en a ciudat de Nueva York y las suyas escenas se filmoron en ixa mesma ciudat y en Toronto (Ontario, Canadá).[2]
D'atra man, ye una cinta que ha recibiu bella nominación a bel premio, pero que no fa parte d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 1,2 1,3 (en) Enguero de The Corruptor en Internet Movie Database.
- ↑ (en) Enguero de The Corruptor en Internet Movie Database.
- ↑ (en) The Corruptor en Internet Movie Database.
Datos: Q1135394
