The Contract (cinta de 2006)
- Iste articlo ye sobre una cinta chermano-estausunidense-israelí de l'1nyo 2006 de cine d'intriga d'acción; ta atros usos, se veiga The Contract y The Contract (cinta).
The Contract (títol orichinal en anglés, en aragonés O contracto, enguerada en Aragón con o suyo títol orichinal) ye una cinta de l'anyo 2006 de cine d'intriga d'acción coproducida por o cine alemán, o cine estausunidense y lo cine israelín, dirichida por Bruce Beresford seguntes un guión orichinal de Stephen Katz, John Darrouzet y J.D. Zeik, con una banda sonora orichinal de Normand Corbeil, una dirección de fotografía de Dante Spinotti y una producción cinematografica a lo cudiau de Boaz Davidson, Randall Emmett, George Furla, Andreas Grosch, Avi Lerner, Danny Lerner, Andreas Schmid y Les Weldon ta las productoras Millennium Films, Emmett/Furla Films y VIP Medienfonds. Fan parte de l'elenco d'actors d'a cinta, entre d'atros, Morgan Freeman, John Cusack, Jamie Anderson, Bill Smitrovich, Ned Bellamy, Megan Dodds, Jonathan Hyde, Corey Johnson, Alice Krige, Ian Shaw, Jonas Talkington, Ryan Spike Dauner, Mike Diamente, Atanas Srebrev y Maynard Eziashi.
Frank Carden ye un asasino profesional a qui jan contractau ta que asasine a un multimillonario, Lydell Hammond Sr., por a suya oposición a la investigación con celulas mai. Tanimientres, o plan fracasa cuan Carden tien un accident de trafico y lo levan feriu enta l'hespital, a on l'identifican como un antigo militar presuntament muerto y buscau, y la Policía decide zarrar-lo en una garchola mientres que investigan. D'atra man, Ray Keene ye un víduo, antigo policía y agora mayestro, y que ta aprofundir os vinclos con o suyo fillo marcha con él a pasar bels días en a montanya. Os policías transportan a Carden por ixe mesmo lugar, y cuan os miembros d'a suya banda preban de liberar-lo matando a los policías que lo custodian, l'auto caye por a versant y lo policía que ye esposau con Carden muere, pero li da tiempo de encomanar a Keene que cudie d'o preso y l'entregue a la Policia. Tanimientres, la banda de Carden los persigue, asasinando a qui troban en o suyo camín, a la vegada que Carden vada vegada siente un mayor respecto por Keene.
A cinta s'ambienta en a suya epoca actual (2006) en bel puesto indeterminau d'os Estaus Unius, y las suyas escenas se filmoron en os Nu Boyana Film Studios en Sofiya en Bulgaria y en Spokane y Cheney (Washington) y Washington, DC en os Estaus Unius.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 1,2 (en) Enguero de The Contract en Internet Movie Database.
- ↑ (en) Localizacions de The Contract en Internet Movie Database.
- ↑ (en) The Contract en Internet Movie Database.
Datos: Q700875
