The Barefoot Contessa
The Barefoot Contessa (títol orichinal en anglés, en aragonés A contesa descalza, enguerada en Aragón con o suyo títol traduciu enta lo castellano como La condesa descalza) ye una cinta de cine estausunidense de cine de drama d'intriga y romantica enguerada l'anyo 1954, dirichida por Joseph L. Mankiewicz seguntes un guión orichinal d'él mesmo, una banda sonora orichinal de Mario Nascimbene, una dirección de fotografía de Jack Cardiff, una producción cinematografica de Joseph L. Mankiewicz ta las productoras Transoceanic Film y Figaro y un elenco d'actors formau por Ava Gardner, Humphrey Bogart, Edmond O'Brien, Marius Goring, Valentina Cortese, Rossano Brazzi, Elizabeth Sellars, Warren Stevens, Franco Interlenghi, Mari Aldon, Alberto Rabagliati, Enzo Staiola, Maria Zanoli, Renato Chiantoni, Bill Fraser, John Parrish, Jim Gerald, Diana Decker, Riccardo Rioli, Tonio Selwart, Margaret Anderson, Gertrude Flynn, John Horne y Bessie Love, entre d'atros actors.
Harry Dawes ye un director cinematografico fracasau que se veye obligau a trevallar ta Kirk Edwards, un cabalero inversor que ha decidiu fer a producción cinematografica d'una cinta. En busca d'una actriz ta protagonizar-la, plegan en Madrit, a on conoixen a la bailarina María Vargas. A Maria li cuaca de caminar descalza y tien una vida familiar bien complicada, y dende lo primer momento li resulta atractivo Harry, pero no pas Kirk. Finalmente, Harry la convence ta que marche enta los Estaus Unius ta rodar a cinta, que ye un exito. Tanimientres, Kirk la considera d'a suya propiedat y se baralla con Alberto Bravano, un cabalero playboy latinoamericano, y Maria y Harry cambian a suya leyaltat enta él. Harry troba la felicidat con Jerry, una guionista, y Maria finalment casa con un conte italiano, Vincenzo Torlato-Favrini. Tanimientres, iste ye impotent por una ferida de guerra y Maria decide recorrer a un atro hombre ta tener un fillo que pueda perpetuar o linache, sin que lo sepa su mariu, y ixo desencadenará luctuosos sucesos.
A cinta s'ambienta en Roma y atros puestos d'Italia, en Madrit y en os Estaus Unius en a suya epoca actual (1954) y las suyas escenas se filmoron en Roma (Lazio), Portofino (Ciudat metropolitana de Chenova) y Sanremo y Ventimiglia (provincia d'Imperia) en Italia, amás d'en os estudios de Cinecittà, tamién en Roma.[2]
The Barefoot Contessa recibió bels premios y nominacions, en destacando un Premio Oscar (Millor Actor Segundario) y una nominación (Millor Guión Orichinal) en a suya 27ena edición y un Globo d'Oro (Millor Actor Segundario) en a suya 12ena edición.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) The Barefoot Contessa en Internet Movie Database.
- (en) The Barefoot Contessa en TCM Movie.
- (en) The Barefoot Contessa en l'American Film Institute Catalog de l'American Film Institute.
- (en) The Barefoot Contessa en Rotten Tomatoes.
Datos: Q1217922
Multimedia: The Barefoot Contessa (film) / Q1217922
